Көктем 2026 республикалық командалық штабтық оқу жаттығуы басталды

Елімізде «2026 жылғы көктемгі кезеңдегі су тасқыны жағдайының қолайсыз дамуында төтенше жағдайларды жою кезінде құтқару және басқа да шұғыл жұмыстарды дайындау және жүргізу» тақырыбында «Көктем-2026» республикалық командалық-штабтық оқу-жаттығуы басталды, – деп хабарлайды Aikyn.kz.  

Оқу-жаттығу 2026 жылғы 25-27 ақпан аралығында Азаматтық қорғау мемлекеттік жүйесінің және халықтың көктем мезгілі жағдайындағы төтенше жағдайларды жоюға дайындығы мен қабілеттілігін арттыру, азаматтық қорғау қызметтері мен құралымдарының көктем мезгіліндегі ТЖ-ға ден қоюға дайындығын тексеру мақсатында өткізіледі. Үйлестіру және басшылық ету республикалық штабы Астана қаласындағы ҚР ТЖМ  Стратегиялық жоспарлау және жедел басқару орталығының базасында орналасты.

Оқу-жаттығу шеңберінде еліміздің түкпір-түкпірінде ТЖ-ны жою жөніндегі іс-қимылдарды пысықтау бойынша командалық-штабтық жаттығулар, авариялық-құтқару қызметтерімен және азаматтық қорғау құралымдарымен практикалық іс-қимылдар өткізілетін болады. Жаттығу барысында «Баршаның назарына!» дабылы бойынша аумақтық деңгейдегі құлақтандыру жүйесінің дайындығы тексеріледі, 2026 жылғы 25 ақпанда сағат 11.00-де еліміздің өңірлерінде барлық сирена-сөйлеу қондырғылары мен электрсиреналары қосылды. 

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.