Көлік саласы астықтың жаңа өнімін тасымалдауға дайын Тайжанов

- Қолда бар жылжымалы құрам астық жүгін тасымалдауға жеткілікті. Мәселен, астық тасымалдайтын вагондар саны 16 300 бірлікке жетті. Өткен жылы 15 100 болған еді. Ал ұн тасымалдауға арналған жабық вагондар саны 16 500 бірлікке жетті. Ұлттық операторда 1 700 локоматив бар. Жалпы, жылмалы құрам паркі астық жүгін тасымалдауды толықтай қамтамамыз етеді. Бұған қоса, мемлекетаралық пункттер астық тасымалдауға толық дайын, - деді вице-министр.

Оның айтуынша, ол үшін аталған пункттердің пойыздарды өткізу мүмкіндігі кеңейтілді. Мәселен, Өзбекстан мен Орталық Азия бағытында бір тәулікте 42 пойыз, Қытай бағытында 43 пойыз, ал Ресей бағытында 85 пойыз өте алады.

- Осылайша, барлық экспорттық бағытта резервтер бар. Түйіспе пунктердің мүмкіндігі іркіліссіз тасымалды қамтамасыз етеді. Көлік саласы астықтың жаңа өнімін тасымалдауға толығымен дайын және жүктелген жоспарлы көрсеткіштерді орындау үшін штаттық режимде жұмыс істеп тұр. Көлік министрлігінде мүдделі барлық тараптарды қатысуымен астық жүгін тасымалдау жөніндегі жедел штаб жұмыс істейді. Штаб жұмысы аясында апта сайын өзекті мәселелер қаралып, астықты іркіліссіз тасымалдауды қамтамасыз етуге және жүктелген міндетті уақыты іске асыруға бағытталған жедел шаралар қабылданады, - деді Жәнібек Тайжанов.

Айта кетейік, елімізде 25,9 млн тонна астық бастырылды.