Көлік салығын төлемегендерге қатаң шаралар қолданылуы мүмкін

2025 жылға арналған көлік салығын төлеу мерзімі 1 сәуірде аяқталды. Егер төлем жасалмаса, 2 сәуірден бастап берешек сомасына күн сайын өсімпұл қосылады.

Қолданылатын шаралар:

Алдымен мемлекеттік кірістер органдары қарыз туралы хабарлама жібереді. Оны өтеуге 30 жұмыс күні беріледі. Егер осы мерзімде төленбесе, салық бұйрығы шығарылып, іс сот орындаушыларына беріледі. Мәжбүрлі өндіріп алу шаралары: банк есепшоттарын және мүлікті бұғаттау, автокөлікті қайта рәсімдеуге тыйым салу, елден шығуға шектеу қою.

Мамандардың айтуынша, қарыз ұзақ уақыт өтелмесе, қосымша шығындар артып, сот орындаушыларының қызмет ақысы да есептеледі.

Бүгін, 16:15