Колумбияда жоғалған ұшақтың апатқа ұшырағаны белгілі болды

Caracol радиостанциясының мәліметінше, Колумбияда бұрын жоғалып кеткен 13 жолаушы мен екі экипаж мүшесі бар «Кукута-Оканья» рейсін орындаған Satena ұшағы апатқа ұшырап, борттағылардың барлығы қаза тапқан.

— Бірлескен үйлестіру штабы бүгінде байланыс үзілген Satena ұшағының табылғанын растады. Ұшақ Курасика аймағында, Ла-Плайя-де-Белен муниципалитетінің ауылдық аймағында құлады. Хабарламада тірі қалғандардың жоқ екені де айтылған, — деп хабарлады радиостанцияның сайтында. 

Hk4709 борттық нөмірі бар Beechcraft 1900 ұшағы Кукута-Оканья бағытымен ұшып, жергілікті уақыт бойынша түстен кейін радардан жоғалып кетті. Бортта 13 жолаушы мен екі экипаж мүшесі болды.

Жергілікті БАҚ-та жарияланған тізімге сәйкес, жолаушылар арасында Колумбия депутаты Диогенес Кинтеро және депутаттыққа үміткер Карлос Салседо болды.

Еске сала кетейік, АҚШ-та ұшақ апатынан 7 адам қаза тауып, бір адам ауыр жарақат алды.