Криштиану Роналду 1000 голын қашан соғады: болжам жарияланды

Sky Sports басылымы португалиялық шабуылшы Криштиану Роналдудың кәсіби мансабындағы 1000 голдық межеге қашан жететінін болжады. Талдау футболшының клуб пен ұлттық құрама сапындағы гол соғу қарқынына негізделген.

Қазіргі таңда Роналдудың есебінде 948 гол бар. Соңғы екі добын ол 2026 жылғы әлем чемпионатының іріктеуінде Венгрия құрамасына қарсы матчта (2:2) соқты. Сарапшылар есептегенде, 40 жастағы форвардтың алдағы уақытта клуб пен құрама сапында өткізетін ойындары ескерілген.

One more year until Cristiano Ronaldo is expected to reach 1000 career goals ?? pic.twitter.com/fRTYM3zsNs

— Sky Sports Football (@SkyFootball) October 15, 2025

Болжам бойынша, Криштиану Роналду кәсіби мансабындағы 1000-голын 2026 жылдың қазан айында соғады. Ал жалпы алғанда, келесі жылдың соңына дейін оның голдар саны 1008-ге жетуі мүмкін.

Айта кетейік, биылғы маусымда Роналду клуб сапында 6 ойында 5 гол соғып үлгерді.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport