Күн тәртібінде ҰҚШҰ дан шығу мәселесі жоқ Армения СІМ

АСТАНА, 26 қараша - Sputnik. Күн тәртібінде Арменияның ҰҚШҰ-дан шығуы жөніндегі мәселе жоқ, деп мәлімдеді елдің сыртқы істер министрінің орынбасары Мнацакан Сафарян, деп хабарлады Sputnik Армения.

"Арменияның ҰҚШҰ-ға қатысты саясаты бұған дейін де айтылған болатын: біз қатыспаймыз, бірақ шешімдер мен құжаттардың қабылдануына кедергі келтірмейміз", - деді Сафарян.

Бұған дейін Ресей президентінің көмекшісі Юрий Ушаков Арменияның 27 қарашада Бішкекте өтетін ҰҚШҰ саммитіне қатыспайтынын, бірақ кездесуде келісілген құжаттардың қабылдануына қарсылық білдірмейтінін мәлімдеген болатын.

Арменияның ұйымнан неге шықпай отырғаны туралы сұраққа жауап бере отырып, министрдің орынбасары Ереван қазіргі уақытта дәл осы ұстанымды ұстанып отырғанын айтты.

"Армения өзінің сыртқы саясатын өз мүдделері мен қазіргі жағдайға сүйене отырып жүргізеді", - деді Сафарян.