Ленгердегі әйелді аяусыз соққыға жығу: күдіктілер ұсталды

Түркістан облысының полицейлері Ленгір қаласындағы әйелді өз үйінде аяусыз соққыға жықты деген күдікпен екі ер адамды анықтап, ұстады, - деп хабарлайды Tengrinews.kz тілшісі.

Ленгірдегі жантүршігерлік шабуыл

24 тамызда әлеуметтік желілерде Ленгірдегі әйелге жасалған шабуылдың видеосы тарады. Кадрлардан оның бетіндегі көптеген жарақаттарды көруге болады.

Алдын ала мәлімет бойынша, түнде екі ер адам әйелдің үйіне басып кіріп, ақша талап етіп, оны соққыға жыққан. Осыдан кейін олар үйді тінтіп, телефонды алып, қашып кеткен.

Әйел ауруханаға жатқызылды.

27 тамызда Түркістан облысының полицейлері күдіктілердің ұсталып, қамауға алынғанын хабарлады. Ведомство мәліметінше, екеуі де Төле би ауданының тұрғындары.

Өңірлік ПД ақпараты бойынша, қылмыстық іс қозғалған. Тергеу барысы облыстық Полиция департаменті басшылығының бақылауында.

Google News арқылы жаңалықтарымызды қадағалаңыз