Магеррам Магеррамов Конституция жобасын референдумға шығаруды ұсынды

Мәжіліс депутаты, Қазақстан Халық партиясы (ҚХП) фракциясының жетекшісі Магеррам Магеррамов Конституциялық реформа жөніндегі комиссияның 12-ші отырысында жаңа Конституция жобасының ел дамуы үшін маңызын атап өтті. Оның айтуынша, құжат өңірлерде кеңінен талқыланып, қоғам тарапынан қолдау тапқан, деп хабарлайды Egemen.kz.

Фото: time.kz (архив)

Депутат жаңа жоба «Әділетті Қазақстан» қағидатын мемлекеттік дамудың іргелі бағдары ретінде айқындағанына назар аударды.

«Қазақстан Республикасының жаңа Конституциясының жобасы алғаш рет Преамбула мен жалпы ережелер деңгейінде мемлекеттік дамудың іргелі бағдары ретінде «Әділетті Қазақстан» құндылығын белгіледі. Әділетті Қазақстан қағидаты Қазақстан Халық партиясы толық қолдайтын әлеуметтік әділеттілікті білдіреді. Әділетті Қазақстан – «Заң мен Тәртіп» қағидатын сөзсіз ұстанатын, тең мүмкіндіктер ұсынатын ел», деді Магеррам Магеррамов.

«БАЙТАҚ» партиясы «Экология және адам денсаулығы» ұғымын мемлекеттің базалық құндылығы ретінде бекітуді ұсынды

Оның сөзінше, құжатта тарихи сабақтастық пен ұлттық құндылықтарға айрықша мән берілген. Преамбулада этносаралық және конфессияаралық келісім қоғамдық тұрақтылық пен орнықты дамудың басты негізі ретінде көрсетілген. Сондай-ақ еңбек ету құқығына қатысты норма ерекше қолдауға ие болған.

Институционалдық өзгерістер де жобаның маңызды бөлігі саналады. Депутат мемлекеттік билік құрылымының жаңаша үлгісі ұсынылғанын айтты. Бірпалаталы Парламент құру, «Халық кеңесі» атты жоғары консультативтік орган қалыптастыру сияқты бастамалар жаңа саяси бағдардың айғағы ретінде бағаланды. Магеррамовтың пайымынша, ендігі жерде мемлекет тек үдерістерді басқарушы емес, азаматтарға қызмет ететін институтқа айналуға тиіс.

Ол құжаттың қоғамда кең қолдау тапқанын атап өтті.

«Ел тұрғындарының басым көпшілігінің жаңа Конституция жобасын толық қолдайтынын сеніммен айта аламын. Мұны тек Комиссияның ғана емес, сонымен қатар еліміздің барлық өңірлеріндегі жаңа Конституция жобасын әртүрлі қоғамдық, әлеуметтік топтармен, қоғамдық ұйымдармен және еңбек ұжымдарымен талқылау аясында кездесулерді өткізген Халық партиясы филиалдарының жұмысына байланысты айтып отырмын», деді депутат.

ҚХП аймақтарда жаңа Конституция жобасын талқылауды жандандырды

Мәжілісте Қазақстан Халық партиясы фракциясының бастамасымен барлық өңірлік филиалдар, сарапшылар, ғылыми және заңгерлік қауымдастық өкілдері, кәсіпкерлер мен үкіметтік емес ұйымдар қатысқан кеңейтілген отырыс өткен. 100-ге жуық адам қатысқан жиында жаңа Конституция жобасына бірауыздан қолдау білдірілген.

«Жаңа Конституцияның жобасы – өткен кезең мен бүгінгі басымдықтарды түсіне отырып, Қазақстанның болашақтағы жаңа бағдары туралы шешім қабылдаған халықтың бірлігі мен біртұтастығының белгісі деп айтуға болады. Жоғарыда айтылғандарды ескере отырып, біз жаңа Конституцияның жобасын жалпыхалықтық референдумға шығаруды ұсынамыз», деп түйіндеді Магеррам Магеррамов.

Вице-президент және Халық кеңесі: Жаңа Ата Заң жобасы Варшавада таныстырылды

Соңғы жаңалықтар

Бақыт Нұрмұханов: Жаңа Конституцияның жобасында өтпелі ережелер нақтыланды

Ата заң • Бүгін, 15:57

Қасым-Жомарт Тоқаев елшілерден сенім грамоталарын қабылдады

Президент • Бүгін, 15:51

Шаңғы қоссайысы: Шыңғыс Ракпаров жарыс жолына шықты

Қысқы спорт • Бүгін, 15:45

Ассамблея жастары жаңа Конституция жобасына қолдау білдірді

Жастар • Бүгін, 15:33

Серік Егізбаев: Жаңа Конституция қоғам сұранысына жауап береді

Қысқы спорт • Бүгін, 15:23

Мектептерде смартфонсыз оқу мәдениеті қалыптасып келеді

Мектеп • Бүгін, 15:10

Инфляциямен күрес: Үкіметтің негізгі қадамдары қандай?

Үкімет • Бүгін, 15:02

Президент тапсырмасы: Министрліктердің алдағы міндеттері нақтыланды

Экономика • Бүгін, 14:51

Қ.Тоқаевтың Исламабадқа мемлекеттік сапары: Қазақстан – Пәкістан қатынастарының жаңа кезеңі

Саясат • Бүгін, 14:50

«Ауыл аманаты»: Ұлытауда шаруаларға жеңілдетілген несие беріледі

Оқиға • Бүгін, 14:23

Үкімет Президент тапсырмаларын жүзеге асыруға кірісті

Үкімет • Бүгін, 14:10

Биыл Ораза 19 ақпанда басталады

Қоғам • Бүгін, 13:06

Kaspi Gold картасының жылдық қызмет көрсету ақысы қымбаттай ма?

Банк • Бүгін, 12:55

Технология күзетте: Орал полицейлері цифрлы жүйенің көмегімен күдіктіні ұстады

Қоғам • Бүгін, 12:35

Азия чемпионатында Қазақстан велошабандозы алтын медаль иеленді

Спорт • Бүгін, 12:23

Барлық жаңалықтар