Маңғыстау облысында жолдардың бойына автоматты өлшеу станциялары қойылды

Маңғыстау облысында жолдардың бойына автоматты өлшеу станциялары қойылды.

Ақылды жүйе артық жүк тиеген көліктерді онлайн  анықтап, ереже бұзғандарға айыппұл салады. Заманауи үлгідегі технология Мұнайлы ауданының Баянды ауылында және «Ақтау - Форт-Шевченко» бағытындағы тасжолда іске қосылды. Мамандар жыл соңына дейін осындай бірнеше станцияны қолданысқа енгізуді жоспарлап отыр.

Автоматтандырылған өлшеу станциясы жүк көліктерінің салмағын  жедел анықтап, құқықбұзушылықтың алдын алады. Сол арқылы жол жабындысының мерзімінен бұрын бүлінуін болдырмайды. Бұдан былай ауыр салмақты көліктерді трассада тоқтатып, таразыға тартудың қажеті жоқ. Қызметін жол қозғалысына кедергі келтірмей атқаратын ақылды жүйені барлық ауданның  жолдарына орнату жоспары бар.   

Манас Бітімов, Жолаушылар көлігі және автомобиль жолдары басқармасының бөлім басшысы:

- Қай жерден ауыр жүк көліктері жиі өтетін, ауыр жүктер тасымалданатын аймақтар зерделенуде.  Бұл станцияның тиімділігі осы қолданыстағы автомобиль жолдарының бұзылмауына, Үкімет қаражатының ысырап болмауына сондай мақсатта қолданылады. Себебі қазіргі таңда өзінің белгіленген өлшемінен артық салмақта жүк тиеген көліктердің көбеюінен қолданыстағы автомобиль жолының беткі қабаты бұзылуда.

Дыбыстық қыстырма. Көліктік бақылау инспекциясы жүк көліктеріне рейд жүргізеді. Қолданыстағы заңнамада жүк көліктерінің салмақ нормалары нақты көрсетілген. Үш білікті машинаға 25 тоннаға дейін, бес немесе одан көп білікті көліктерге 40-44 тоннаға дейін рұқсат етілген. Одан асқан жағдайда жүк тасымалдаушы әкімшілік жауапқа тартылады. Биылғы 10 айда көлік инспекторлары 3500-ден астам жүк көлігін тексерген. Ереже бұзған жүргізушілерге 110 млн теңге айыппұл салынды.

Ұлағат Нұрғожаев, Көліктік бақылау инспекциясының бөлім басшысы:   

- Маршрут картасы арқылы ауыр салмақты көліктер бойынша жұмыс істейміз. Жүк болатын болса, жүктің құжаттарын сұраймыз. Тауарлардың құжаты, жолдама парақтарын жүргізуші ұсынуға міндетті. Ұсынбаған жағдайда, бағынбағаны туралы тәртіптік туралы хаттама толтырылады. Жүк көлінің әрбір осьін жеке-жеке өлшейміз, сосын толық салмағын шығарамыз.

Облыстағы жолдардың жалпы ұзындығы 6 мың 94 шақырым. Оның 1 мың 13 шақырымы республикалық трасса, қалғаны облыстық және жергілікті маңызға ие. Өңір жолдарының 95 пайызы асфальтталған.

Авторлары: Талғат Исламұлы, Ренат Досалиев, Саламат Бекбаев