Мәслихаттың мәртебесі арту керек

Алматыда Мәжіліс жанындағы қоғамдық палата Жергілікті мемлекеттік басқару туралы заң жобасын талқылады. 

Жиынға қатысқандар өңірлердегі атқарушы органдардың мәслихат депутаттары алдында есеп беруі, өңірдің бюджеті мен салықтық түсімін басқаруды қарастырды. Мұндай жүйе биліктің ашықтығын қалыптастырады, - дейді Мәжіліс депутаты Айдос Сарым. Басқосуда айтылған ұсыныстар «Қазақстан Республикасындағы жергілікті мемлекеттік басқару және өзін-өзі басқару туралы» заңға өзгерістер мен толықтырулар енгізу кезінде ескеріледі. 

Айдос Сарым, ҚР Парламенті Мәжілісінің депутаты:

- Біздің облыстағы, аймақтағы саяси өмір де кішкене жандануы керек. Мысалы, аудандық, қалалық, облыстық бюджет деген мәселелер кәдімгі қоғамның назарындағы үлкен мәселе болуы керек. Сол кезде жемқорлық азаяды, талап өзгереді. Сонда ғана кішкене болса да республикалық дәрежеде болып жатқан үлкен өзгерістерді аймаққа жеткізе аламыз деп есептеймін.