Мажарстанның жаңа премьері президенттің отставкаға кетуін талап етті

Мажарстанның жаңа премьер-министрі Петер Мадьяр ел президенті Тамаш Шуйокты лайықсыз деп атап, қызметінен кетуге шақырды. Бұл туралы премьер Шандор сарайында президентпен өткен кездесуден кейін X желісінде жазды, деп хабарлайды Egemen.kz.

Мадьярдың пікірінше, Шуйок заңдылықтың кепілі болуға қабілетсіз әрі моральдық тұрғыдан үлгі бола алмайды. Осыған байланысты премьер жаңа үкімет жасақталғаннан кейін президенттің дереу отставкаға кетуі тиіс екенін жеткізді.

Тоқаев Петер Мадьярды Мажарстандағы парламент сайлауында жеңіске жетуімен құттықтады

Өз кезегінде Тамаш Шуйок билікті тапсырудың мүмкін мерзімі ретінде мамыр айының алғашқы аптасын атаған. Алайда Мадьяр билік ауысуы мүмкіндігінше жедел жүзеге асуы керектігін айтып отыр. Егер президент өз еркімен кетпесе, үкімет конституциялық өзгерістер енгізіп, оны қызметінен кетіруге дайын екенін мәлімдеді. Сондай-ақ ол бұрынғы премьер Виктор Орбан ықпалында болған жүйеден толық арылу қажеттігін айтты.

Жаңа премьер бұған дейін мемлекеттік БАҚ-тағы жаңалық қызметтерінің жұмысы уақытша тоқтатылатынын да мәлімдеген. Оның айтуынша, бұл құрылымдар ұзақ жылдар бойы бұрынғы биліктің үгіт құралына айналған.

45 жастағы Петер Мадьяр 12 сәуірде өткен сайлауда айқын басымдықпен жеңіске жетіп, сайлаушылардың үштен екісінің қолдауына ие болды. Ол елді «қайтадан еуропалық мемлекетке айналдыруға» уәде беріп, экономиканы жандандыру, денсаулық сақтау жүйесін реформалау және жемқорлықпен күресуді негізгі бағыттардың бірі ретінде атады.

Айта кетейік, Мажарстанда президентті парламент сайлайды және ол негізінен рәсімдік қызмет атқарады. Дегенмен мемлекет басшысы Қарулы күштердің Жоғарғы бас қолбасшысы болып саналады, заң жобаларын ұсыну және референдум жариялау құқығына ие.

Соңғы жаңалықтар

Павлодардағы әскери бөлімде сарбаз қаза тапты: Қылмыстық іс қозғалды

Оқиға • Бүгін, 10:45

Оңтүстік Корея Қазақстаннан 18 миллион баррель мұнай сатып алады

Экономика • Бүгін, 10:35

FlyArystan Таяу Шығыстағы жағдайға байланысты Дубайға рейстерді тоқтатты

Қоғам • Бүгін, 10:28

Қырғызстан аумағында жер сілкінді

Оқиға • Бүгін, 10:17

Smart Grid мен ЖИ-инженерлері: Елімізде жаңа мамандықтар пайда болады

Энергетика • Бүгін, 10:09

Орал әуежайы авиаотынды әртүрлі бағамен сатып келген

Оқиға • Бүгін, 09:52

Биыл 650 көппәтерлі тұрғын үйге жөндеу жұмыстары жүргізіледі

Қоғам • Бүгін, 09:38

Қазақстанның халық әртісі Есмұхан Обаев дүниеден өтті

Руханият • Бүгін, 09:25

Бүгін 1 долларды қанша теңгеге сатып алуға болады?

Қаржы • Бүгін, 09:15

Аңдатпа

Аңдатпа • Бүгін, 09:10

Жас өрендердің кітап көрмесі

Қоғам • Бүгін, 09:05

Ғылым баспалдағы оқушыны жетілдіреді

Ғылым • Бүгін, 09:00

Жұбановтан қалған жәдігер

Жәдігер • Бүгін, 08:55

Тұрғын үй кезегіндегі түйткіл реттеліп келеді

Қоғам • Бүгін, 08:50

Алаш тұлғасына құрмет

Тағзым • Бүгін, 08:45

Барлық жаңалықтар