Медицина саласында кадр жетіспейді

Медицина саласында кадр жетіспейді.

Әсіресе ауылдық аймақтарда ақ халаттылар тапшы. Дегенмен, дәрігерлердің жетіспеушілігі жыл санап азайып келеді. Бұл жауаптылардың сөзі. Медициналық мекемелерге қандай қызметкерлер қажет?

Бұған дейінгі бағдарламаларда жұмысшы мамандар жетіспейтінін айтқан едік. Бүгін медицина секторындағы сұранысты саралап көрдік. Қандай қызметкерлер қажет? 

Елде 8,5 мың медицина маманы тапшы. Министрліктің мәліметіне мән берсек, салада 4 мың дәрігер, 4,5 мың мейірбике жетіспейді. Әсіресе Солтүстік Қазақстан, Қостанай, Ұлытау, Жетісу облыстарында сұраныс сұрапыл. Мұны мамандар өңірлерде медициналық оқу орындарының жоқтығымен байланыстырады. Сондай-ақ елдегі көші-қон да әсер етіп отыр. Айталық, кейінгі он жылда 9252 медицина маманы шетелге қоныс аударған. Ал Қазақстанға келгені 4 874 адам. Дегенмен, дәрігерлердің тапшылығы жыл санап азайып келеді. Жауаптылар осылай дейді. Айтуларынша тапшылық 20 пайызға кеміген. Дегенмен, босаңсуға болмайды. Себебі қажеттілік қос бүйірден қайта қысуы мүмкін. Оған мына сандар дәлел. Қазір қызмет етіп жүрген мамандардың орташа жас шамасы 44-те. Ал 23 пайызы зейнет жасына жақын. 

Медицина маманы - 8,5 мың 

Дәрігер - 4 мың 

Мейірбике - 4,5 мың 

Кетті - 9 252

Келді - 4 874 

Орташа жас - 44 жас

Зейнеткерлікке дейінгі жас - 23% 

Бағжан Мұхаметбек, ҚР ДСМ Ғылым және адами ресурстар департаменті директорының орынбасары:

- Мамандықтарға тоқталатын болсақ, жалпы практика дәрігерлері, акушер гинеколог, хирургтар, реаниматолог, педиатрлар, ультрадыбыстық зерттеу дәрігерлері қажет мамандық иесі болып табылады бүгінгі таңда.   

Жауаптылар қажеттілікті қамтамасыз ету үшін маман даярлау ісін ілгерлетуге бейіл. Осы мақсатта былтыр 5 мыңнан астам білім гранты бөлінді. Оның 2700-і бакалавриат бағдарламасына бағытталады. Магистратурада - 325, доктарантурада 160 маман білім алады. 

Білім гранты - 5 000 

Бакалавриат бағдарламалары үшін - 2 700

Магистратура үшін - 325

Докторантура үшін - 160

Резидентура бағдарламалары үшін  - 2 500     

Ұлмира Нұралиева, ҚР ДСМ Ғылым және адами ресурстар департаменті директорының орынбасары:

- Соңғы 3 жылда резидентураға мысалы, бейінді мамандарды дайындау бойынша грантты көбейітттік. Бұл мемлекет басшысының тапсырмасы бойынша жүргізілді. Соңғы жылда 2500 резидентті дайындап отырмыз. Оның алдында 1500 орын берілетін болса, 1000 орынға көтерілді. Бұл жанағы аймақтардағы кадрлердің тапшылығына байланысты.  

Елде медицина мамандарын даярлайтын 8 университет пен 94 колледж бар. Сондай-ақ 14 ғылыми зерттеу институттары мен 7 көп бейінді жоғары оқу орнында ақ халаттылар білім алады. Қазір онда 77 мыңнан астам адам оқып жатыр. 

ЖОО - 8

Колледж - 94

Ғылыми зерттеу институты - 14

Білім алушылар - 77 мың

Бағжан Мұхаметбек, ҚР ДСМ Ғылым және адами ресурстар департаменті директорының орынбасары:

- Мамандарды даярлау кезінде кадр тапшылығын жою үшін, балалар дәрігерінің ташылығын жою үшін резидентурада арнайы 14 балалар дәрігері мамандықтарын енгіздік. Одан бөлек, интернатурада 6 мамандықты былтырғы жылдан бастап енгізіп,  анықтаған болатынбыз. Одан бөлек бітіріп шыққан түлектерді, медицина қызметкерлерін қолдау мақсатында әлеуметтік қолдау шараларын жүргіземіз. Ол дегеніміз дипломмен ауылған деген секілді бағдарлама бар, өздеріңіз білесіздер.   

Былтыр 10,5 мың түлек оқуын тәмандады. Оның 34 пайызы еңбек ету үшін ауылдарға аттанды. Бұл бітірушілердің үштен екісі шалғай аймақтарда жұмысқа орналасты деген сөз. Осылайша, ауылдардағы дәрігер тапшылығы 16 пайызға азайған. Айта кетейік, қазір елде 275 мыңнан астам медицина мамандары бар. Оның 83 мыңы - дәрігер. 192 мыңы орта медицина қызметкері.

Медицина мамандары - 275 мың 

Дәрігер - 83 мың 

Орта медицина қызметкерлері - 192 мың