Mediker Қазақстанның медициналық қызметтер нарығындағы жетістікке толы 25 жыл

Елдің жеке медицина саласындағы елеулі орны бар Mediker компаниясының тарихы 2000 жылы басталды.

Алғашқы медициналық орталығы Алматыда ашылған. Ширек ғасырда жеткен жетістігі көп. Барлық өңірде жұмыс істейтін жеке, сақтандыру және өнеркәсіптік медицинада ұлттық көшбасшы саналады. 

Медициналық қызметтер нарығына 25 жыл бұрын Mediker деген компания енді. Алғашқы орталығы Алматыда Навои көшесінде орналасқан еді. Ал қазір 20 медициналық орталық, 5 көпсалалы аурухана, жүздеген корпоративті клиент пен миллиондаған пациенті бар. Мыңдаған қызметкері Mediker-ді тек мамандық емес, таңдаулы кәсібі ретінде көреді.

Анар Жұмаханова, «Mediker» ЖШС басқарма төрайымы:

- Mediker-дің басты артықшылығы – келушілерге ең жайлы жағдай жасай отырып, медициналық қызметтердің қолжетімділігі мен сапасын қамтамасыз ету. Ал Mediker – дің жетістігі жаңа технологиялар, заманауи жабдықтар және жоғары білікті кадрларға тікелей байланысты. 

Mediker-дің негізгі міндеті – тиімділік пен ашықтық әрі сапаны бақылау. Бұған компания әзірлеген бірыңғай медициналық ақпараттық жүйесі мүмкіндік берді. Ал ол ассистанс қызметінің ішкі дерекқорына біріктірілген.

Жансая Әуесбекова, «Медикер Астана» медициналық орталығының меңгерушісі:

- Біз пациенттердің бірден қамқорлық сезінгенін қалаймыз. Цифрлық технологиялар бізге медицинаны жақынырақ, жылдамырақ және барлығына ыңғайлы етуге көмектеседі.

Ширек ғасырдан бері Mediker елдегі медициналық қызмет сапасының стандартын қалыптастырып келеді. Өйткені тәжірибе, кәсібилік, орнықты даму мен ауқымды инфрақұрылым және инновациялық цифрлық шешімдерді біріктіре білген. Жеке денсаулық сақтау саласындағы ұлттық көшбасшылығының сыры осында.

Авторлары: Нысаналы Ығыл, Досбол Байділдин