“Мемлекеттік нөмірсіз, бірақ жарқылдауық шамдары бар“ Ақтөбеде жүргізуші тротуармен жүріп өткен

Желіде мемлекеттік нөмірі жоқ Nissan Primera жүргізушісінің тротуармен жүріп бара жатқан видеосы пайда болды, деп хабарлайды Tengri Auto.

Полицияның мәліметінше, құқықбұзушы Тұңғыш Президент атындағы саябақтан Жұбанов көшесіне дейінгі бағытты жүріп өткен. Сондай-ақ жүргізуші жасыл желекті басып, жарық- дыбыс белгілерін заңсыз қолданған.

Instagram-дағы бұл жарияланымды көру

Polisia AQTOBE (@polisia_aqtobe) жарияланымы

"Полиция заңға бағынбай, қоғамға қауіп төндірген жүргізушінің жеке басын жедел анықтады. Ақтөбенің жас тұрғыны құқыққа қайшы мұндай әрекетті "әлеуметтік желідегі танымалдылық үшін" жасағаны анықталды", - деп хабарлады ПД.

Жүргізушіге қатысты бірнеше хаттама толтырылды:

мемлекеттік нөмірсіз көлік жүргізу; қауіпсіздік белдігін тақпау; жол белгілерін және маневр жасау ережелерін сақтамау; жарық-дыбыстық сигналдарды заңсыз қолдану және ұсақ бұзақылық.

Нәтижесінде, қала ішіндегі ерекше сапар түсірілген Reels тәртіп бұзушы үшін 160 мың теңгеден астам айыппұл мен 10 тәулікке қамауға алу жазасына әкеп соқты.

Бұған дейін Түркістан облысында әйел жүріп бара жатқан көлік люгінен шығып, торт дайындағанын видеоға түсірген.

Тағы оқыңыз: TikTok-та жол ережесін бұзғанын көрсеткен ер адам 8 тәулікке қамалды

Бізді Google-дың негізгі дереккөздер тізіміне қосыңыз

Қосу