Моноқалаларда дәрігер жетіспейді

Медицина саласында қордаланған мәселелер көп. Соның бірі - маман жетіспеушілігі.

Мәселен, Шығыс Қазақстан облысындағы шағын қалаларда дәрігер тапшы. Әсіресе Риддер, Алтай мен Серебрянскдегі медициналық мекемелерге маман жетіспейді. Жалпы облыс бойынша 150 дәрігердің орны бос тұр. Моноқалаларға жас мамандардың барғысы жоқ. Себебі баспанамен қамту және әлеуметтік төлемдер мәселесі өзекті. Ал шағын қалалар «Дипломмен ауылға» бағдарламасына енбей қалған. Сондықтан, өңір дәрігерлері мемлекеттік жобаға өзгеріс енгізуді сұрап отыр. Олар бұл мәселені Парламент мәжілісінің депутаты Ұлықбек Тұмашиновке жеткізді.

Ұлықбек Тұмашинов, ҚР Парламенті Мәжілісінің депутаты:

- Менің ойымша, бұл мәселені шешеміз. Шынымды айтсам, моноқалаларды ұмытып кеткендей болдық. Біз бұл сұрақты фракция отырысында көтереміз. Үлкен Нарын болсын, Алтай болсын - айырмашылығы болмауы керек. Егер біз жас, білікті, болашағы бар дәрігерлерді тартқымыз келсе, моноқалаларды да осы бағдарламаға енгізуіміз керек.