Мораторий жойылғаннан кейін бензин бағасы не болады, Энергетика министрлігі айтып берді

Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..

Энергетика министрлігі Қазақстанда мораторий алып тасталғаннан кейін бензин бағасы күрт өсіп кетпейді деп сендірді. Бұл туралы бүгін үкіметте өткен брифингте айтылды, деп хабарлайды Tengri Auto.

Энергетика вице-министрі Қайырхан Тұтқышбаевтың мәліметінше, мораторий тоқтатылғаннан кейін жанар-жағармай бағасы шамамен 1 теңгеге өскен.

"Мен барша журналистің алдында мемлекет жанар-жағармай бағасының күрт көтерілуіне жол бермейтінін ресми түрде мәлімдегім келеді. Баға көтеріледі, бірақ күрт емес, біртіндеп өседі. Біз үшін ең бастысы - азаматтарымыз үшін қажетті жанар-жағармай қорын қалыптастыру. Екінші мәселе - халықтың әлеуметтік көңіл-күйі, яғни тағы да қайталап айтамын, бағаның қандай да бір күрт өсуіне жол бермейміз, ол болмайды", - деді вице-министр үкіметте өткен брифингте.

Журналистер "бағаның күрт өсуі" дегенді Энергетика министрлігі қалай түсінетінін нақтылады. Тұтқышбаев жанар-жағармай нарығы өздігінен реттелетініне қарамастан, әртүрлі жанармай бекеттері бағаны "әрқалай" көтермейтінін айтып жауап берді.

"Бағаның күрт өсуіне жол бермейміз дегенде, біз әріптестерімізбен, Бәсекелестікті қорғау және дамыту агенттігімен бірлесіп тиісті жұмыстар жүргізіп жатқанымызды айтамыз. Жанармай құю станцияларымен тұрақты диалог орнаттық. Шартты түрде айтқанда, біреуі 1 теңгеге, екіншісі 30 теңгеге, ал үшіншісі 100 теңгеге көтеріп жіберетіндей жағдай болмайды. Азаматтарымызға қолайлы болуы үшін баға күрт секірмей, біртіндеп өседі", - деп уәде берді вице-министр.

Еске сала кетейік: сәуірде Қазақстанда АИ-92 маркалы бензин бағасын көтеруге салынған мораторий аяқталды. Бұған дейін Энергетика министрлігі отын бағасының күрт қымбаттауын күтпейтінін, бірақ бағаның біртіндеп өсуі мүмкін екенін айтқан болатын.

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.