NASA Crew 11 экипажын Жерге ерте қайтаруды ұйғарды

NASA әкімшісі Джаред Исаакманның айтуынша, ХҒС экипажының тікелей орбитада Crew-11 миссиясындағы әріптесіне диагностика жүргізу немесе медициналық көмек көрсету мүмкіндігі жоқ.

— Бұрын атап өткеніміздей, бұл ауыр медициналық жағдай болды. Сондықтан Crew-11 экипажының Жерге ертерек оралу жолы таңдалды. Мен ғарышкерлеріміздің мүддесі үшін оларды жоспарланған мерзімнен бұрын Жерге қайтару керек деп шештім, — деді Исаакман нақты күні әлі жарияланбағанымен экипаждың жақын күндері оралатынын атап өтіп.

NASA Медициналық мәселелер жөніндегі басшысы Джеймс Полк ерте оралу төтенше жағдайда эвакуация емес екенін жеткізді.

— Ғарышкердің жағдайы тұрақты, сондықтан біз орбитадан төтенше түсу немесе қиын жағдай туралы айтып отырған жоқпыз, — деді ол.

Полк агенттік әлі ғарышкердің жеке басын немесе оның денсаулығы туралы мәліметтерді жария етпейтінін айтты.

Crew-11 экипажында америкалық астронавтар Зена Кардман мен Майк Финк, жапон астронавты Юи Кимия және ресейлік ғарышкер Олег Платонов бар. Финк пен Кардман бейсенбі күні станцияның сыртында жабдықты орнату үшін 6,5 сағаттық ғарыштық саяхат жасауы керек еді. Ғарышкерлер ХҒС-қа тамыз айында жеткен, олар мамыр айында жерге оралады деп жоспарланған болатын.

Айта кетейік, 2036 жылға қарай «Роскосмос» айда электр станциясын салуды жоспарлап отыр.

Ал Қазақстан «KazSat-3R» ғарыштық байланыс жүйесін құруға конкурс жариялады.