Некрологтар саны күрт артты: Украинадағы 1332 күндік соғыста Ресей шығыны қандай?

BBC-дің орыс қызметі, «Медиазона» және еріктілер тобы Украинадағы толық масштабты соғыс басталғалы бері 136 286 ресейлік әскери қызметкердің аты-жөнін анықтады. Бұл деректер ашық көздерден алынған. Бұл туралы BBC News Русская служба хабарлайды.

Соңғы айларда некрологтар саны күрт артқан — тамыздан бастап ай сайынғы көрсеткіш 1,5 есе көбейген.

2025 жылдың қаңтарынан шілдесіне дейін ресейлік дереккөздер ай сайын орта есеппен 6 192 некролог жариялаған. Ал тамыздан қазанға дейін бұл көрсеткіш 9 415-ке жеткен. Қазан айының толық емес дерегі — 10 765 некролог — бұл бүкіл бақылау кезеңіндегі ең жоғары көрсеткіш.

Бұл жарияланымдардың бір бөлігі бұрынғы кезеңдердегі қаза тапқандарға қатысты болса, кейбірі тексеру кезінде есепке алынбайды. Дегенмен, некрологтар саны фронттағы жағдайдың жалпы үрдісін көрсетеді.

Бір отбасындағы үш қаза

2025 жылдың 30 қыркүйегінде Бурятияның Хоринск ауылында 36 жастағы Александр Борисов жерленді. Бұл оның анасы үшін соңғы бір жарым жылдағы үшінші қаза болды.

2024 жылдың ақпанында — үлкен ұлы Андрей 2025 жылдың ақпанында — ортаншы ұлы Максим Қыркүйекте — кенже ұлы Александр қаза болған.

Александр әскери тәжірибесі болмаса да, 2024 жылдың желтоқсанында келісімшартқа отырған. Ол электромонтер болып жұмыс істеген, кейін Новосібірге көшіп, дүкенде аудитор қызметін атқарған. Орташа айлығы — 70 мың рубль. Ал келісімшарт үшін оған 1,5 млн рубль төленген — бұл айлық табысынан 21 есе көп.

Александр соғысқа аттанғаннан кейін 1,5 айдан соң қаза тапты. Оның денесі 9 айдан кейін ғана қайтарылып, жерлеу рәсімі Хоринскідегі «Wi-Fi» кафесінде өтті — бұл интернеті жоқ ауыл үшін символикалық жағдай.

Хоринск ауданынан барлығы 136 адам соғыста қаза тапқан.

Жалпы үрдістер

Зерттеушілер анықтаған қаза тапқандардың:

54% — соғыс басталғанға дейін армиямен байланысы болмағандар: мобилизацияланғандар, еріктілер, түрмеден шыққандар 29%— еріктілер, саны өсіп келеді 13,5 % — сотталғандар, үлесі азайып жатыр (бұрын 19% болған) 17% — кәсіби әскери қызметкерлер, оның ішінде 5900 офицер

Офицерлердің үлесі 2022 жылы 20% болса, 2024 жылдың соңына қарай 2–3%-ға дейін төмендеген. Бұл Ресей тактикасының өзгеруімен және майданға қатардағы жауынгерлер мен сержанттарды жіберумен байланысты. Олар офицерлерге қарағанда бірнеше есе жиі қаза табады.

Мобилизация басталғаннан кейін некрологтарда нақты деректер азайып, азаматтық киімдегі фотолар жиі кездесетін болды — бұл олардың кәсіби әскери емес екенін көрсетеді.

Аймақтар бойынша шығындар

Қаза тапқандардың абсолютті саны бойынша Башқұртстан мен Татарстан алда. Бұл көрсеткіштер жергілікті еріктілер мен бастамашыл топтардың белсенділігімен де байланысты.

Шынайы сандар қандай?

BBC мен «Медиазона» зерттеушілері ашық дереккөздер тек 45–65% шығынды қамтуы мүмкін деп есептейді. Себебі, соңғы айларда қаза тапқандардың денесін эвакуациялау қиын — дрон шабуылдарына байланысты қауіп жоғары.

Осыны ескере отырып, реалды шығын көлемі — 209 670–302 860 адам.

Егер ДНР мен ЛНР күштерін қосса, жалпы шығын 230 670–326 360 адамға дейін жетуі мүмкін. 2022 жылдың желтоқсанынан бастап ДНР өз шығындарын жариялауды тоқтатқан, ал ЛНР мүлде дерек бермеген.

Некрологтар мен із-түзсіз кеткен жауынгерлер туралы хабарламаларға сүйене отырып, қыркүйек айының соңына қарай ДНР мен ЛНР қатарынан 21 000–23 500 адам қаза тапқан болуы мүмкін.

Зерттеу қалай жүргізілді?

Ресейде күн сайын қаза тапқандардың есімі мен жерлеу фотолары жарияланады Бұл деректерді аймақ әкімдері, жергілікті БАҚ, оқу орындары мен туыстары жариялайды BBC мен «Медиазона» осы деректерді жинап, соғыс басталған күннен бастап тізім жүргізіп келеді Қаза тапқандардың әскери түрін формадағы белгілер мен қызмет орны арқылы анықтайды Мобилизацияланғандар, еріктілер мен сотталғандар — бөлек санат ретінде қарастырылады.

Бүгін, 13:14