Ол қылмыс туралы хабарламағаны үшін қалай жауап бере алады? : Ақбаян Мұқанғалиеваның ісі қалай аяқталды

Мұқанғалиевтер отбасының өліміне қатысты сот процесі кезінде судья Зарема Хамидуллина Ақбаян Мұқанғалиеваға байланысты бөлек қылмыстық істің ерекшелігіне назар аударды.

Алдыңғы сот отырыстарының бірінде судья қылмыстық істің материалдарын, соның ішінде Ақбаян Мұқанғалиеваға қатысты материалдарды бөлек өндіріске шығару туралы қаулыны жариялаған болатын.

Отырыста судья прокурорға істің ҚР ҚК‑нің 434-бабы («Қылмыс туралы хабарламау») бойынша қозғалғанын атап өтті. Алайда іс материалдарына сәйкес, Мұқанғалиева психикалық ауруға байланысты ем қабылдап жүрген.

«Ол қылмыс туралы хабарламағаны үшін қалай жауап бере алады?» – деп мемлекеттік айыптаушыға сауал қойды судья.

Кейіннен Ақбаян Мұқанғалиеваға қатысты қылмыстық іс қылмыстық құқық бұзушылық құрамының болмауына байланысты тоқтатылды. Қазір ол емін жалғастырып жатыр.

Айгүл МАНСУРОВА

9 шілде, 15:04