Олимпиада чемпионы Михаил Шайдоровқа жалақы төлене ме министрлік жауабы

Sputnik.KZ парақшасынан алынған ақпаратқа сәйкес, Qazaq24.com хабарлайды..

АСТАНА, 28 мамыр – Sputnik. Олимпиада чемпионы Михаил Шайдоровқа жалақы қолданыстағы келісімшарттар мен халықаралық жарыстарға дайындықтың бекітілген шарттарына сәйкес төленеді. Бұл туралы туризм және спорт министрлігінің спортты дамыту дирекциясы хабарлады.

Ведомствоның мәліметінше, Шайдоровқа биылғы жылдың қаңтар және ақпан айларындағы жалақы бұрын жасалған келісімшарт негізінде толық төленген.

"2026 жылдың наурыз айынан бастап спортшының Миланда өткен Олимпиада ойындарында алтын медаль жеңіп алғаны ескеріліп, жаңа келісімшарт жасау жоспарланған болатын. Жаңа келісімшартта келесі олимпиадалық цикл аясындағы дайындық пен қаржыландырудың жаңартылған шарттары қарастырылған. Қазіргі уақытта келісімшарт талаптары тараптар арасында талқыланып жатыр", - дейді спортты дамыту дирекциясында.

Мұндай тәжірибе жаңа олимпиадалық циклге дайындық жүйесіне кіретін барлық спортшыға қолданылады және ұзақ мерзімді мемлекеттік қаржыландырудың қалыпты тәртібі саналады, дейді ведомствода.

"Сонымен қатар мемлекет спортшыны олимпиадалық жетістігі үшін ынталандыруға қатысты өз міндеттемелерін толық орындайды. Олимпиада ойындарының алтын медалін жеңіп алғаны үшін Михаил Шайдоровқа 250 мың АҚШ доллары көлемінде сыйақы төлеу, Алматы қаласынан үш бөлмелі пәтер беру, сондай-ақ Қазақстан Республикасының қолданыстағы заңнамасына сәйкес өмір бойғы ай сайынғы мемлекеттік төлем тағайындау қарастырылған", - дейді дирекцияда.

Еске сала кетейік, Михаил Шайдоровқа төленетін төлемақы туралы бұқаралық ақпарат беттерінде бірнеше рет айтылған болатын.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.