Оңтүстік Корея жойғыш ұшақтарды жаппай өндіре бастады

Оңтүстік Корея президенті Ли Чжэ Мён алғашқы жойғыш ұшақтарды тапсыру рәсімінде жоғары технологиялық авиацияны дамытуға инвестицияларды көбейтуге және елді әлемдегі жетекші төрт қорғаныс державасының біріне айналдыруға уәде берді.

- Оңтүстік Корея ақыры құрлық және теңізде ғана емес, сонымен қатар әуеде бейбітшілікті қорғау үшін өз технологияларын пайдаланып қару жасап шығарды, - деп мәлімдеді ол.

Ел 2015 жылы ескірген америкалық F-4 және F-5 жойғыш ұшақтарының орнына отандық дыбыстан жылдам жойғыш ұшақ сатып алу мақсатында KF-21 әзірлеу бағдарламасын іске қосты.

- Өз технологияларымызды пайдаланып жасалған және өз қолымызбен құрастырылған KF-21 жойғыш ұшақтары ақыры пайдланауға беріліп жатыр. Бұл жойғыш ұшақ біз жарты ғасырдан астам уақыт бойы армандаған өзін-өзі қамтамасыз ететін қорғанысқа деген асыл ұмтылыстарды бейнелейді. KF-21 жойғыш ұшағының табысы біздің қорғаныс қабілетімізді нығайтып қана қоймай, сонымен қатар Оңтүстік Кореяға әлемдегі жетекші қорғаныс державаларымен бәсекелесуге жаңа серпін береді, - деп қосты президент.

Ли Чжэ Мён елдің қорғаныс өнеркәсібінің бәсекеге қабілеттілігін одан әрі нығайту үшін Оңтүстік Кореяның қару-жарақ жүйелері мен әзірлеу саласындағы тәжірибесін серіктес елдермен бөлісуге уәде берді.

Сеул қазіргі уақытта Индонезияға 16 KF-21 жойғыш ұшағын экспорттау туралы келісімге қол қоюды жоспарлап отыр, бұл елдің отандық өндірістегі жойғыш ұшақтарды алғашқы шетелдік сатуы болмақ.

Осыған Оңтүстік Корея әлемде қару-жарақ экспорты бойынша төртінші орынға шығуды көздеп отырғанын жазған болатынбыз.