Оның жалаңаш бейнесін WhatsApp арқылы таратқан: 5 жасөспірім топтық зорлық жасады деген күдікке ілінді

Қарағанды қаласында бес жасөспірімге жарты жылдан астам уақыт бұрын жасалған топтық зорлық фактісі бойынша күдік келтіріліп отыр, – деп хабарлайды Аikyn.kz.

Журналист Айнұр Балакешеваның дерегінше, колледжде оқитын кәмелетке толмаған студент қыз құрбысымен бірге түнгі клубқа барған. Кейін ол қыз бейтаныс пәтерде бірнеше жігіттің ортасында оянған. Оның мұндай жағдайға түскенін қыздың ата-анасы кейін білген. Онда да қыздарының жалаңаш күйіндегі бейнесі WhatsApp желісі арқылы таралғанда көрген. 

"Сөйтсе, сол жігіттердің бірі қыздың дәрменсіз күйде жатқан сәтін видеоға түсіріп алған екен", – делінген жарияланымда.

Қыздың ата-анасы Оңтүстік-Шығыс полиция бөліміне арызданған. Қыздың әкесі осыдан кейін үш күдікті оқшаулау изоляторына қамалған. Ал қалған екеуіне ешқандай бұлтартпау шарасы қолданылмаған.

– Олар бостандықта қалды. Арада алты ай өткеннен кейін, оқшаулауда отырған үш жігіт те босатылды. Оған себеп ретінде қамауда ұстау мерзімінің өтіп кетуі көрсетілді. Қазір бұл істі Қарағанды облыстық Полиция департаменті тергеп жатқанына жеті ай болған, – дейді қыздың әкесі. 

Қыздың әкесі оқиғаның басқа да жайттарын жария етті.

Оның айтуынша, пәтердегі кешті ұйымдастырушы – жәбірленушінің құрбысы бұл іске айыпталушы немесе сыбайлас ретінде тартылмаған. Оның өзіне ешкім тиіспеген. Тіпті, сол түннен кейін оның банктік картасына пәтерде болған жігіттердің бірі қомақты сомада ақша аударған.

Сондай-ақ біреулер Damumed электронды жүйесі арқылы қыздың медициналық деректеріне заңсыз қол жеткізгенін анықтаған.

"Мүмкін, дәрігерлердің қорытындысын бақылап, тергеуге қысым жасағысы келген болар", – дейді қыздың әкесі.