Өскеменде колледж оқытушылары арасында сайыс өтіп жатыр

Qazaq24.com, 24.KZ дереккөзінен алынған ақпаратқа сүйене отырып жаңалық таратты..

Өскеменде еліміздің әр өңіріндегі колледждерде кәсіптік және техникалық білім беретін 150 педагог шеберлік сағатын өткізіп, өзара сайысып жатыр.

Республикалық форум аясындағы байқауда ең үздік оқытушылар анықталады. Сонымен қатар мамандар өз пәні бойынша тәжірибе алмасып, ортақ мәселелерді бірге талқылайды.

Оқытушылар үшін сайыс оңай болмады. Әркім өзінің дәріс беру әдісінтаныстырып, кәсіби біліктілігін көрсетуге күш салды. Шараға жергілікті ұстаздармен қатар Жамбыл, Алматы, Қарағанды, Ақтөбе, Абай, Түркістан, Қызылорда облысынан педагогтар қатысып жатыр. Қажымұқан Әбішев Маңғыстау өңірінен келген. Көлік саласына қажетті маман даярлайды. Жеті жылдан бері жинаған тәжірибесімен бөлісі жатыр.

Қажымұқан Әбішев, политехникалық колледж оқытушысы /Маңғыстау облысы/:

- Кәсіби шеберлік чемпионатының маңыздылығы әсіресе осы біз секілді жас педагогтар үшін өз құзіреттілігімізді жоғары деңгейде өз саламыз бойынша қарқынды бағытта дамытуға өз септігін тигізеді деген сенімдеміз.

Сайыста тігіншілерді, дәнекерлеуші,токарь мамандарды дайындайтын оқытушылар өзін әр қырынан көрсетті. Себебі бүгінде зауыт-фабрикалардың басым көпшілігі ақылды технологиямен жұмыс істеуге көшкен. Ендеше біліктілікті шыңдап, заманауи стандарттарды игеру маңызды, дейді сарапшылар.

Нұрдәулет Жанайдаров, Оқу-ағарту министрлігі "Talap" коммерциялық емес АҚ Басқарма басшысы:

- Биылғы жылы жалпы колледждерге қамқорлық жасайтын мекемелер саны 4 мыңнан аса межеге жеткен болатын. Шефтік қамқорлық шеңберінде дуалды оқытуды дамыту колледждердің материалдық-техникалық базасын жаңартуда нығайтуда кәсіпорындар тарапынан көптеген көмек жүзеге асырылып жатыр.

«Жұмысшы мамандықтары жылы» аясында ұйымдастырылған жарыстың Өскеменде өтуі де тегін емес. Өлкеде өндіріс орыны көп. 38 колледжде 20 мыңға жуық студент білім алып жатыр.

Ербол Нұрғалиев, облыс әкімінің орынбасары:

- Мына форумның біздің өлкеде өтуі бұл бізге үлкен бір серпіліс береді. Біздің өңірде өтуінің ерекшелігі бар неге десеңіз біздің өңір өнеркәсіптік өңір болып есептеледі. Бұл форум аясында бізде басқа өңірлердің тәжірибелерін көріп алмасып, бұл форумның жалпы баршамызға үлкен берер дүниесі көп.

Форум аясында саладағы өзекті мәселелер талқыланып, пікір алмасу болады. Ал жүзден жүйрік деп танылған үздіктер ертең марапатталады.

Эльмира Ахметова, Дмитрий Пыхтин

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.