Отандық өндіріс көлемі ₸ 27 трлн асты

Бүгінде Қазақстанның өңдеу өнеркәсібі қарқынды дамып келеді. ҚР Өнеркәсіп және құрылыс министрлігінің мәліметінше, жыл басынан бері отандық өндіріс көлемі 27 трлн теңгеден асты.

Бұл өткен жылмен салыстырғанда шамамен 5,9 пайызға жоғары. Еліміздің өндіріс қуатын арттырып отырған негізгі сала - металлургия. Бүгінде елде мыс, алюминий және мырыш өңдеу ісі жолға қойылған. Одан бөлек машина жасау саласы да рекордтық көрсеткіштер көрсетуде. Сонымен қатар, тұрмысқа қажетті өнімдер де назардан тыс қалған жоқ. Химия өнеркәсібінде лак-бояу, желатин мен картон қаптамалар өндірісі қарқын алған. Ал құрылыс саласында геосинтетикалық материалдар мен күрделі конструкциялық бөлшектер нарыққа шығып жатыр.

Отандық өнімдер

11 айда өндіріс көлемі 27 трлн теңгеден асып, 5,9%-ға өскен.

Металлургия: мыс, алюминий, мырыш өңдеуі;

Машина жасау: жеңіл автокөліктер, жүк вагондары, локомотивтерге арналған бөлшектер;

Химия саласы: лак-бояу, желатин, картон қаптамалар;

Құрылыс материалдары: геосинтетикалық материалдар, түрлі конструкциялық бөлшектер