Өзбекстандағы әлем кубогының 2 кезеңінде ресейлік гимнастар бірнеше медаль жеңіп алды

АСТАНА, 13 сәуір – Sputnik. Өзбекстанда өткен көркем гимнастикадан әлем кубогының екінші кезеңінде Ресей гимнастшылары бірнеше медаль иеленді.

Жекелей бағдарламада өнер көрсеткен Мария Борисова көпсайыста чемпион атанды. Ол германиялық олимпиада чемпионы Дарья Варфоломеевті басып озды. Сондай-ақ Мария шығыршықпен жаттығу финалында күміс медаль жеңіп алды.

Ева Кононова да жекелей бағдарламада сынға түсіп, көпсайыста 8-орын алды. Сонымен қатар, ол шығыршықпен жаттығуда 5-орын, ал лентамен жаттығуда 6-орын иеленді.

Топтық жаттығуларда Алена Селиверстова, Злата Ремчукова, Нелли Реуцкая, Николь Андрончик және Алина Прощалыкина өнер көрсетті. Команда бес доппен жаттығуда күміс медаль, ал үш шығыршық пен екі жұп булавамен орындалатын финалда қола медаль жеңіп алды.

Барлық гимнаст – Алина Кабаеваның "Небесная грация" көркем гимнастика академиясының тәрбиеленушілері. Олардың барлығы әлем кубогы кезеңдерінде алғаш рет өнер көрсетіп отыр.