Пара биатлон: Ербол Хамитов қола жүлдегер

Астанада жеңіл атлетикадан қысқы 35-ші Қазақстан чемпионаты аяқталды. Елдің барлық өңірінен жиналған спортшылар 13 жекелей және эстафеталық сайыстарда 31 медаль жиынтығын сарапқа салды. Жарыс жеңімпаздары алдағы азия чемпионатында өнер көрсету мүмкіндігіне ие болды. 

Ербол Хамитов пара биатлоннан әлем кубогының қола жүлдегері атанды. Ол 7,5 шақырымдық қашықтықты 22 минут 9 секудта жүріп өтіп, үздік үштіктен көрінді. Бұл дистанцияда қытайлық спортшылар бірінші және екінші орынды өзара бөлісіп алды. Сондай-ақ осы сайыста өнер көрсеткен отандастарымыздан Сергей Усольцев 11-орынға тұрақтаса, Юрий Березин 13-сатыға жайғасты. Айта кетейік, пара биатлоннан әлем кубогы кезеңі 8-11 қаңтар аралығында Германияда өтті. Жарысқа 17 елден 70-ке жуық спортшы қатысты.

Василий Коломиец, Пара шаңғы мен пара биатлоннан ұлттық құраманың бас бапкері:

- Бұл жарыс қысқы паралимпиада ойындарына іріктеу. Алдағы уақытта да Қазақстан ұлттық құрамасын бірнеше іріктеу кезеңі күтіп тұр. Атап айтқанда, 14-18 қаңтар аралығында Германияда пара шаңғыдан әлем кубогы кезеңі өтеді. Одан бөлек,Польшаның Якушыце қаласында пара биатлон және пара шаңғыдан кезекті халықаралық жарыстар ұйымдастырылады. Командамыздың негізгі мақсаты – осы сайыстарда жоғары нәтиже көрсетіп, паралимпиада ойындарына лицензия алу және рейтингтік көрсеткіштерімізді жақсарту.

Ғалымжан Кенжебек «Ахматқа» ауысты 

Ғалымжан Кенжебек ресми түрде ресейлік «Ахмат» клубына ауысты. Қазақстан ұлттық құрамасының жартылай қорғаушысы енді көрші елдің премьер-лигасында доп тебеді. Грозныйлық команда 22 жастағы ойыншымен 4,5 жылдық келісімшартқа отырған. Клуб дерегінше, Кенжебек медициналық тексерістен сәтті өтіп, толыққанды келісімге қол қойған. Қазір «Ахмат» клубы Ресей біріншілігінде 22 ұпаймен 8-орында келе жатыр. Отандасымыз бұған дейін семейлік «Елімай» сапында өнер көрсетіп, 11 матчқа қатысты. Сәйкесінше, 6 гол соғып, төрт нәтижелі пасымен көзге түсті. Айта кетейік, Кенжебек «Ахмат» сапындағы қазақстандық екінші ойыншы. Онда ұлттық құрама сапынан екі жылдан бері Максим Самородов ойнайды.

Ю. Путинцева негізгі кезеңге шықты 

Қазақстандық теннисші сенсация жасады. Юлия Путинцева Аустралияда өтіп жатқан турнирде күтпеген нәтижеге қол жеткізді. Әлемнің 74-ші ракеткасы саналатын жерлесіміз іріктеу кезеңінің финалында 46-шы ракетка чехиялық Мария Боузковамен кездесіп, жеңіске жетті. Қорытынды есеп 2:0. Қос сет қорытындысы бойынша 6:4, 7:6 есебі тіркелді. Ойын 2 сағат 20 минутқа созылды. Енді ол жарыстың негізгі кезеңінде венгриялық спортшымен кездеседі. Турнирдің жалпы жүлде қоры 1 миллион 200 мың доллардан асады. Жарыс жеңімпазы 185 мың доллар көлемінде сыйақы алып, 500 рейтингтік ұпайға ие болады.