Paramount Warner Bros. ты сатып алу бойынша ұсынысын күшейтті

Paramount компаниясы Warner Bros. Discovery-ді сатып алу жөнінде жаңа ұсыныс жасап, акция бағасын 31 долларға дейін көтерді.
Компания бұл ұсыныс бұрын Netflix-пен жасалған келісімнен тиімді болуы мүмкін екенін мәлімдеді. Бұған дейін Paramount бір акцияға 30 доллар ұсынған.

Қазір Warner Bros. Paramount-пен келіссөздерді жалғастырып, Netflix-пен желтоқсанда жасалған мәмілені жалғастыру немесе одан бас тарту мәселесін қарастырып жатыр. Netflix бұл жағдайға қатысты әзірге пікір білдірген жоқ.

Paramount жаңа ұсынысында мәміле жүзеге аспаса 7 млрд доллар өтемақы төлеуге дайын екенін де атап өтті. Компанияның артында миллиардер Larry Ellison тұр, ал Paramount Skydance-ті оның ұлы David Ellison басқарады.

Warner Bros. директорлар кеңесі әзірге соңғы шешім қабылдаған жоқ. АҚШ-тағы заң шығарушылар ықтимал келісімдердің киноиндустрияға әсері мен монополия қаупіне алаңдаушылық білдіріп отыр.