Путин пасхалық бітімгершілік жариялады, Зеленский жауабын берді

Ресей президенті Владимир Путин 2026 жылдың 11 сәуірі кешкі уақыттан бастап 12 сәуірдің соңына дейін пасхалық бітімгершілік жариялады.

Бұл туралы Кремльдің баспасөз қызметі хабарлады. 

Мәлімдемеге сәйкес, ұрыс қимылдары жергілікті уақыт бойынша 11 сәуір сағат 16:00-ден 12 сәуірдің соңына дейін тоқтатылуы тиіс. Ресей әскерлеріне барлық бағытта оқ атуды тоқтату туралы бұйрық берілді, алайда олар ықтимал арандатушылықтар мен жауап қайтару әрекеттеріне дайын болуы қажет екені ескертілген. Кремль сондай-ақ Украина тарапы да осы бастамаға қолдау білдіреді деп күтетінін жеткізді.

Украина президенті Владимир Зеленский, өз кезегінде, айнақатесіз (зеркальный) қадамдарға дайын екенін растады. Ол бұған дейін де Украинаның пасхалық мерекелер кезеңінде оқ атуды тоқтатуды ұсынғанын және егер Ресей соққыларды шынымен тоқтатса, соған сәйкес әрекет ететінін мәлімдеді.

AP агенттігінің мәліметінше, сөз жалғасып жатқан соғыс қимылдары мен бұған дейінгі сәтсіз әрекеттер аясындағы 32 сағаттық бітім туралы болып отыр.

Мұндай пасхалық бітімгершілік 2025 жылы да жарияланған болатын. Ол кезде Мәскеу ұрыс қимылдарын уақытша тоқтататынын айтса, Киев бұл бастаманы қолдап, тіпті оны ұзартуды ұсынған еді. Алайда, келесі күні-ақ екі тарап бір-бірін оқ атуды тоқтату режимін бұзды деп айыптаған болатын.

Бүгін, 09:15