Қайрат Брюгге матчына болжам

Тура 7 күннен кейін «Қайрат» Чемпиондар лигасы аясында «Брюггемен» ойнайды.

Кездесу Астана-Арена стадионында өтеді. Матч  билеттері әлі сатылып жатыр. Ойын билеттері қаншадан сатылып жатыр? Жанкүйерлердің қызығушылығы қалай?

«Қайраттың» «Брюггеден» ұпай алуы екіталай». Белгілі спорт сарапшысы Руслан Бақытжан осылай топшылап отыр. Айтуынша, дәл қазір алматылық ұжымның ойын тәжірибесі аз әрі ұпайға таласуға еш негіз жоқ. Себебі “Қайрат” клубы чемпиондар лигасы аясында осыған дейін 6 кездесу өткізіп, 1 ұпай еншіледі. Сәйкесінше туринир кестесінде ең соңғы орында келе жатыр. Ал бельгиялық “Брюгге” 4 ұпаймен 31-орында тұр. 

Руслан Бақытжан, спорт сарапшысы:

- Бұл ұжымның аяқалысы мықты. Трансфер нарығындағы ойыншыларының құны 194 млн еуроны құрайды. Салыстырмалы түрде “Қайрат” ойыншыларының құны 14 млн еуро. Осыдан-ақ бұл клубтардың деңгейін шамалап білуге болады. Тағы бір қиындықтардың бірі Қайрат БАӘ-ге оқу-жаттығу жиындарына кетті ғой сол кезде клубтың негізгі жұлдызы Дастан Сәтбаев барған жоқ. Одан бөлек Азамат Тұяқбаев, Олжас Байбек шақырту алған жоқ. Ресми ақпарат бойынша бұл жігіттер өз жарақаттарын емдеп жатыр. Өкінішке қарай осы 3 ойыншыны көрмейміз.

Одан бөлек жақында “Қайрат” сапынан 2 ойыншы кетті. Грузиялық Гиорги Зариа мен израильдік Офри Арадтың болмауы командаға әсер етуі мүмкін. Әсіресе негізгі құрамда ойнаған Арадтың орыны ойсырап тұр.         

Руслан Бақытжан, спорт сарапшысы:

- Офри Арадтың жоқтығы біліну мүмкін. Десе де, менің ойымша  Яакко Оксанен деген жаңа финляндиялық футболшы қатарға қосылды “КУПС” командасынан. Еркін агент ретінде ауысып, 2 жылдық келісім-шарт жасасты. Және сол ойыншы жартылай қорғаныста ойнап береді деп ойлаймын.  

Сондай-ақ сарапшы билет бағасына мүлде көңілі толмайтынын жеткізді. Әзірге билеттердің 90 пайызы сатылмаған. Яғни Астана-Арена стадионы ойын кезінде жартылай бос болуы мүмкін.               

Руслан Бақытжан, спорт сарапшысы:

- Иә Алматыдағы ойындармен салыстырғанда Астанадағы матч билеттері анағұрлым арзандаған. Бірақ соның өзінде ең арзан билет 15мың теңгеден басталады. Бұл дегеніміз Қайрат-Брюгге арасындағы ойында аншлаг болмайды деген сөз. Шамамен 15-20 мыңдай жанкүйер жиналса оның өзі жаман емес. Осыған байланысты Қайратты басшылары алдағы уақытта осы олқылықтарды ескеріп, билетті арзандатады деген ойдамыз. Қайраттың негізгі жанкүйерлер алматыда екенін жақсы білеміз. Клуб бағаны сәл де болса төмендетті. Бірақ бұл қарапайым халыққа, жанкүйерлерге қымбат деп ойлаймын. 

Қазақстан теннистен үздік 3 елдің қатарында тұр 

Қазақстан әлемдік теннистегі ең үздік 3 мемлекеттің қатарында тұр. Бұл туралы еліміздің теннис федерациясы хабарлады. Оған ерлер мен әйелдеріміздің жаһандық рейтингте үздік ондықтан көрінуі себеп. Мәселен, Елена Рыбакина дәл қазір әлемнің 5-ракеткасы саналады. Ал ерлерден Александр Бублик күні кеше тарихи рекорд жасап, 10-орынға көтерілді. Бұл бұрын-соңды болмаған көрсеткіш. Үздік 3 елдің арасында Қазақстаннан бөлек АҚШ пен Италия бар.

Шавкат Рахмонов жекпе-жекке шығуы мүмкін

Шавкат Рахмонов алдағы сәуір айында кезекті жекпе-жегіне шығуы мүмкін. Әзірге қарсылас ретінде бұрынғы UFC чемпионы аустралиялық Делла Маддалена таңдалған. Яғни кештің басты жекпе-жегі ретінде қарастырылып отыр. Жеңімпаз чемпиондық белбеуге таласуға бір табан жақындайды. Айта кетейік, Шавкат кәсіби спорттық мансабында 19 кездесуге шығып, барлығында да жеңіске жеткен. Ол соңғы рет октогонға 2024 жылы желтоқсан айында көтеріліп, Иен Гарриді төрешілер шешімімен ұтқан еді. Қазір отандасымыз жартылай орта салмақ рейтингінде екінші орында тұр.