Қарағандыда жүрекке инновациялық ота жасала бастады

Қарағандының №2 көпсалалы ауруханасында жүрекішілік ультрадыбыстық датчик қолдану бойынша шеберлік сабағы өтті. Бұған дейін мұндай оталар кезінде дәрігерлер рентген-навигацияны қолдануға мәжбүр болатын, соның салдарынан мамандар да, емделушілер де айтарлықтай сәулеленуге шалдығатын, деп жазады Egemen.kz.

Бұл жоғары технологиялық әдіс бойынша шеберлік сабақты Новосібірден арнайы келген, аритмияны катетерлік әдіспен емдеу және Zero-fluoro технологиясы бойынша сарапшы Илья Стенин өткізді.

Заманауи ота міндетті әлеуметтік медициналық сақтандыру аясында тегін жүргізіледі. Кезек күту мерзімі бір-екі айды құрайды. Мамандардың айтуынша, Қарағандыда халықтың 2-3 пайызы жүрекшелер фибрилляциясынан туындаған аритмиямен ауырады, ал жаңа технология олардың көбіне жүрек саулығын қалпына келтіруге мүмкіндік береді.

Қарағанды облысы