Қарызсыз қоғам жобасының маңызы зор

Басқосуға «AMANAT» партиясы Шымкент қалалық филиалының төрағасы Мұрат Жолдыхожаев, атқарушы хатшының орынбасары Ербол Байқонысов, аудан әкімдерінің жауапты орынбасарлары, жобаны жүзеге асыруға тікелей атсалысқан мамандар, қалалық және аудандық партия филиалдарының қызметкерлері қатысты.

Жиында Мұрат Жолдыхожаев белсен­ді еңбек етіп, жобаның табысты іске асуы­на үлес қосқан азаматтарға ризалы­ғын білдіріп, бірқатар маманды «AMANAT» партиясының Төрағасы Ерлан Қоша­новтың және өз атынан алғысхатпен марапаттады, қала әкімінің алғысхаттарын да табыстады.

«Шымкент қаласында «Қарызсыз ­қо­ғам» жобасының ауқымы едәуір кеңей­ді. Қала тұрғындарының жобаға деген қы­зы­ғушылығы артып келеді. Бүгінде бұл бастаманың қоғамдағы өзекті мәселе­­лер­ді шешуге нақты ықпал етіп отырғаны­на көз жеткіздік», – деді партия филиа­лының Төрағасы.

Жалпы, жобаны жүйелі әрі сапалы іске асыру мақсатында партия және әкімдік тарапынан арнайы жобалық команда бе­кітіліп, қалалық «AMANAT» партиясы ғи­маратында жобалық кеңсе ашылған еді. Сол ұжым 2024 жылы қалада «Қарызсыз қоғам» жобасына 12 мыңнан аса тұрғынды қатыстырып, жоспарды 14 пайызға арты­ғымен орындаған. Жобаның негізгі мақса­ты – қиын қаржылық жағдайға тап болған, әлеуметтік осал топтағы тұрғын­дардың тұр­мысын жақсартуға нақты көмек көрсету.

Айсұлу СЪЕЗХАН