Қазақ боксшысының соққысы өзбектің Олимпиада чемпионын есеңгіретіп жіберді

Бокстан Қазақстанның ерлер құрамасы Ташкентте (Өзбекстан) өтіп жатқан бірлескен оқу-жаттығу жиындарын жалғастырып жатыр, – деп хабарлайды Aikyn.kz сайты.

Қазақ боксшысы Мұхаммедсабыр Базарбайұлының Өзбекстанның Олимпиада чемпионы Асадхужа Муйдинходжаевпен өткен спаррингтің видеосы тарап кетті. Кадрларда 2025 жылғы Қазақстан чемпионатының қола жүлдегері атақты өзбек боксшысына қысым жасап, бірнеше дәл соққы сериясын жасайды. Бұл сәт тәжірибелі чемпионды сәл абдыратып қалғаны байқалады. 

Айта кеткен жөн, Өзбекстандағы бірлескен оқу-жаттығу жиыны 19 қарашада басталған. Оған Қазақстан құрамасының жетекші боксшылары, сондай-ақ Өзбекстан, Қырғызстан және Таиланд спортшылары қатысып жатыр.