Қазақстан футболдан Ирландияны ұтып, сенсация жасады

Қазақстанның жасөспірімдер құрамасы (U-19) 2026 жылғы Еуропа чемпионатының іріктеу кезеңіндегі матчта сенсациялық нәтиже жасап, алғашқы ұпайға қол жеткізді, – деп хабарлайды Aikyn.kz сайты.

Команда Ирландияны 1:0 есебімен ұтып, топтық кезеңді жеңіспен бастады.

Кездесудегі жалғыз әрі жеңіс голын 56-минутта команда капитаны Азамат Тұяқбаев соқты. Матчтың соңына қарай қазақстандық Кәрім Махаметжан қызыл қағаз алып, біздің құрам он ойыншымен қалды. Соған қарамастан, ойыншылар есепті сақтап, маңызды үш ұпай еншіледі.

Бұл жеңіс көпшілік үшін күтпеген нәтиже болды, себебі Ирландия құрамасы осы кездесудің айқын фавориті саналған.

Кирилл Кекер жаттықтыратын Қазақстан U-19 құрамасы өз тобының алғашқы турындағы матчта Ирландия құрамасын 1:0 есебімен тізе бүктірді. Кездесу Нидерландтағы Sportpark Vondersweijde стадионында өтті.

Ойынның тағдырын екінші таймдағы жалғыз гол шешті. 56-минутта команда капитаны Азамат Тұяқбаев есеп ашып, Қазақстанды алға шығарды.

Қазақстан құрамасы келесі ойынын 15 қараша күні Кипр U-19 құрамасына қарсы өткізеді.

Қазақстан құрамасы сапында алаңға шыққандар: Шерхан Қалмұрза (қақпашы), Данияр Ташпұлатов, Әмірбек Базарбаев, Абзал Сағын, Әкежан Қалиқұлов, Мұхамедәлі Әбіш, Әли Ақылбаев, Евгений Петрик, Исмаил Бекболат, Азамат Тұяқбаев (капитан), Мансұр Бірқұрманов.