Қазақстан мен Италия жаңа бірлескен жобаларды талқылады

Қазақстан Республикасы Сыртқы істер министрінің орынбасары Арман Исетов Италия Республикасының елшісі Антонелло Де Риумен кездесті.
Тараптар стратегиялық серіктестікті нығайту, саяси диалогты дамыту және сауда-экономикалық ынтымақтастықты кеңейту мәселелерін талқылады.

Кездесу барысында Италия Қазақстанның Еуропадағы негізгі серіктестерінің бірі әрі ірі инвесторларының бірі екені атап өтілді. 2025 жылы екі ел арасындағы тауар айналымы шамамен 17 млрд АҚШ долларына жеткен. Соңғы 30 жылда италиялық инвестициялар көлемі 9,5 млрд доллардан асып, қазір Қазақстанда түрлі стратегиялық салаларда 267 италиялық компания жұмыс істеп жатыр.

Сонымен қатар Арман Исетов Италияны қысқы Олимпиада ойындарын жоғары деңгейде өткізуімен және ұлттық құраманың нәтижелерімен құттықтады.

Кездесу қорытындысы бойынша дипломаттар екі ел арасындағы стратегиялық серіктестікті одан әрі тереңдетуге және 2026 жылға жоспарланған бірлескен іс-шараларды жүзеге асыруға дайын екендерін растады.