​Қазақстан мен Қытай автотасымал рұқсаттарын шектеусіз алмасуға уағдаласты

Бейжіңде өткен Қазақстан–Қытай бірлескен комитетінің отырысында халықаралық автотасымалдарды дамытуға қатысты бірқатар мәселе қаралды.

Тараптар рұқсат беру жүйесін жетілдіру, шекара маңы инфрақұрылымын жақсарту және жолаушылар тасымалы бағыттарын кеңейту жайын талқылады. Кездесу қорытындысында жыл соңына дейін рұқсат бланкілерін сандық шектеусіз беру форматына көшу туралы келісімге қол жеткізілді.

Сонымен қатар «Нұр Жолы» өткізу пунктінің өткізу қабілетін арттыру мәселесі көтерілді. Алдағы уақытта ақылы жолдарда WeChat Pay арқылы төлем жасау мүмкіндігі енгізілмек.

Тараптар екіжақты ынтымақтастықты нығайтуға мүдделі екенін атап өтіп, халықаралық автотасымал саласындағы серіктестікті жалғастыруға дайын екендерін білдірді.

Бүгін, 11:06