Қазақстанда алғашқы медициналық көмек көрсету тетіктері өзгеруі мүмкін

Қазақстанда алғашқы медициналық-санитарлық көмек көрсету тетіктері өзгеруі мүмкін. Жүйенің кем-кетігі бүгінгі республикалық денсаулық сақтау басшыларының бесінші форумында талқыланды.

Басқосуға аймақтардан арнайы шақыртылған сала менеджерлері  мен халықаралық сарапшылар қатысты. Олардың пайымынша, елімізде алғашқы көмек көрсететін мекемелерді қаржыландыру механизмі дұрыс бекітілмеген. Салдарынан басы ауырып, балтыры сыздаған қарашаға тиісті жәрдем дер кезінде жетпей жатқан көрінеді. Ал халықаралық тәжірибеде қазынадан бөлінетін қаражаттың басым бөлігі емханаларға беріледі. «Біздегі жүйенің кемшілігі осында», - дейді денсаулық сақтау менеджерлері қауымдастығының төрағасы.

Қуаныш Ерғалиев, Қазақстан денсаулық сақтау менеджерлері қауымдастығының төрағасы:

- Халықаралық тәжірибеге сүйенетін болсақ, жақсы жұмыс істейтін жүйелер олар 50-60 пайыздан көбігі қаржыны алғашқы көмек көрсету деңгейіне бағыттайды. Бірақ біздегі тәжірибеге қарайтын болсақ, ақшаның ауруханаларға өтіп кетіп жатыр. Бұл деңгейді ауыстыра білу үшін осындай арнайы тетіктер, механизмдер бар.