Қазақстанда қысқы спорт түрінен балалар үйірмесінің бағасы қанша және қалай үнемдеуге болады

Михаил Шайдоровтың Милан қаласында өткен Олимпиададағы жеңісі елімізде қысқы спорт түрлеріне деген қызығушылықты арттырғаны сөзсіз. Балалар коньки мен шаңғы тебуге қызықты. Ал ата-аналар болса көбіне хоккей, мәнерлеп сырғанау, конькимен жүгіру, шорт-трек және шаңғы теру спортын таңдап отыр. Қазақстанда үйірмелер балаларды ерте жастан бастап қабылдайды. Мәнерлеп сырғанауға 4-7, конькимен жүрігу спорты және шорт-трекке 6, хоккейге 5-10, шаңғы спортына шамамен 5-6 жастан бастап қабылдайды. Бұл шақта балалар қандай да бір жүктемені орындауға дайын болады.

Еліміздің барлық қаласындағы балалар-жасөспірімдер спорт мектебінде үйірмелер тегін. Әсіресе солтүстік және шығыс аймақтарда қысқы спорт түрлері жақсы дамыған. Сонымен бірге заманауи мұз айдыны оңтүстіктегі балалардың да жыл бойы әзірлік жүргізуіне мүмкіндік беріп отыр. Осы тұста екінші сұрақ туындайды. Үйірме тегін болғанымен қысқы спорт түрлеріне арналған киім мен қажетті жабдықтың бәрі ата-ана қалтасына ауыр салмақ. Ал арнайы киімі болмаса үйірмеге қатыса алмайды. Бұл жолы жас спортшылардың киіміне қанша қаржы қажет екенін саралап көрдік.

Хоккей

Шағыны көп спорттың түрі — хоккей. Балаға арнайы формасы ғана емес, қорғаныс киімі де қажет. Себебі мұз айдынында жоғары жылдамдықпен қимылдайды және бір-біріне соқтығысқан кезде ауыр соққы алмауы керек. Ең аз дегенде коньки мен хоккей таяғы қажет. Әрі қарай спорттық жадбық таңдалады.

Қажетті заттар:

Коньки — 30 000 — 45 000 теңге аралығында.
Дулыға — 35 000 — 55 000 теңге аралығында. Әсіресе қақпашы дулығасы бағасы одан да жоғары. Сонымен бірге балаға мойынан қорғау қажет. Оған қосымша тағы 30 000 теңге керек. Хоккей таяғының бағасы 30 000 теңгеден басталады.

Қорғаныс: қорғаныс қалғанының бағасы 20 000 теңгеден, шынтаққабы 4 000 теңгеден, кеудеше 20 000 теңгеден, хоккей қолғабы 30 000 теңгеден, қорғаныш іш киімі 17 000 теңгеден, жаттығуға арналған ішкі жейде мен хоккей шұлығы 8 000 теңге басталады.

Ең кем дегенде спорт жиынтығына 200 000 теңге, хоккей жабдығына орта есеппен 300 000 — 350 000 теңге және одан да мол қаржы қажет болады.

Ата-аналар көбіне хабарламалар арқылы бұрын киген киімдерді алғанды жөн көреді. Мұнда спорт жабдығы 100 000 — 150 000 теңгеге сатылады. Себебі балалар тез өседі, ал хоккей жабдығы болса жаңа күйінде қалады.

Коллаж: Kazinform / Nano Banano

Айта кетейік, елімізде (Астана мен Алматы қалаларында да бар) хоккей үйірмелерінің алғашқы жаттығуы көбіне тегін. Алайда кейбірінде 3 000 — 5 000 теңге деп бекітілген. Жеке мектептер аптасына үш (айына 12 жаттығуы) жаттығуы бар абонемент ұсынады. Өңірлерде оның бағасы 30 000 теңге болса, Алматы мен Астанадығы баға — 70 000 — 80 000 теңге.

Ата-аналар хоккей тек мұз айдыны деп түсінбеуі керек. Жаттығудың көбі құрғақ жерде өтеді. Олар дене жаттығуын жасайды, қозғалыс үйлесімін үйренеді, төзімділігін шыңдайды, жылдамдығын тексереді және бұлшық етті созады. Сөйтіп балаларды жан-жақты дайындайды. Мұз айдыны мен құрғақ жаттығуды алма-кезек өткізеді. Бұл жарақат алып қалудан да сақтайды. Демек баланың жаттығуына қосымша жейде, аяқ киім мен спорттық шолақ шабдар да керек.

Мәнерлеп сырғанау

Мәнерлеп сырғанау — ең әдемі әрі көркем спорт түрі. Сондықтан ата-аналар сымбаты мен сырын келтіріп қозғалатын қыздарын осы спорт түріне баулиды. Алайда бұл спорт түрі ер балаларға да өте пайдалы. Дене бұлшық етін шымыр етіп, өз денесін сезінуге, тепе-теңдікті сақтауға көмектеседі.

Хоккейге қарағанда мұнда қорғаныс жабдықтары қажет емес.

 Ата-аналар үшін ең қажетті заттар:

Жаттығу мен өнер көрсетуге арналған киім — 15 000 — 100 000 теңге; Коньки — 30 000 — 45 000 теңге;

Сонымен бірге қолғап (алғашқы кезде қарапайым ғана қолғап жарайды).

Мәнерлеп сырғанаушы үшін алғашқыда 50 000 — 120 000 теңге жеткілікті. Балаларға арналған жаттығу бағасы 2 500 — 6 000 теңге, өңірлерде 500 — 1 000 теңге. Топтық абонемент бағасы айына 25 000 теңгеден басталады. Ірі қалаларда жаттығу бағасы аптасына неше күн қатысатынына қарай бөлінеді. Мәселен 8 жаттығу 45 000 теңге, 12 жаттығу 56 000 теңге, 16 жаттығу 70 000 теңге және одан жоғары.

Конькимен жүгіру спорты

Спорттың бұл түрі баланың физикалық дамуына оң әсер етеді. Конькимен жүгіру кезінде бала төзімді болады, тыныс салу жүйесі жақсы дамды. Сонымен бірге аяғы мен беліне күш түсіп, шымыр болады. Тез қимылдап, тез шешім қабылдауды үйренеді. Дене жаттығуы адам өмірінде белгілі бір тәртіпті қалыптастырады.

Мәнерлеп сырғанау спорты сияқты мұнда да көп жабдық қажет емес. Бірақ қорғаныс құралын сатып алады:

Конькимен жүгіруге арналған спорттық киім — 25 000 теңгеден басталады;
Қорғаныс дулығасының бағасы шамамен 30 000 теңге;
Коньки — 30 000 — 4 5 000 теңге аралығында.

Спорт жабдығына алғашқыда 85 000 — 100 000 теңге керек. Егер мұз айдынына бөлек төлер болса, әр жаттығуға 1 000 — 2 000 теңге, жаттықтырушыға 3 000 — 6 000 теңге жұмсалады. Демек тұрақты жаттығуға ай сайын ата-ана шамамен 60 000 теңге төлейді.

Шаңғы спорты

Инфрақұрылым мен спорт жабдығы тұрғысынан қарасақ кысқы спорт түрлерінің арасында шаңғы тебу бағасы қолжетімді. Мұнда мұз бен мұз сарайы қажет емес. Мұнда шаңғы жолағы мен спорттық киім жеткілікті. Бір айта кетерлігі, шаңғы тебуді үйрену еліміздің оңтүстігінде қиын, тіпті мүмкін емес. Мұнда қыс айларында қар аз түседі, кейде бірден еріп кетеді.

Балаларға арналған шаңғы жиынтығының бағасы (шаңғы+таяғы+бекіткіш) — 30 000 теңге және одан жоғары;

Спорттық киімін жеке-жеке сатып алған соң бағасы да әртүрлі. Алғашқыда баланың қыстық киімдерінің өзі жеткілікті;

Шаңғы жиынтығын жалға алуға да болады. Егер тұрақты жаттығу жасаса киімі мен шаңғысына ай сайын 90 000 теңге керек.

Шаңғы спортының бір реттік жаттығуы және шаңғыны жалға алу бағасы 10 000 теңгеден басталады. Жаттықтықтырушы әр сабаққа 5 000 — 10 000 теңге алады. Ал жеке жаттығу — 15 000 теңге. Ең тиімдісі — топтық жаттығу.

Бұған дейін хабарлағанымыздай, еліміз биыл қысқы Олимпиада ойындарында 10 түрінен 58 медаль жиынтығы бойынша бақ сынады. Олардың қатарында биатлон, конькимен жүгіру, мәнерлеп сырғанау, шорт-трек, тау шаңғы спорты, шаңғы қоссайысы, шаңғы жарыстары, шаңғымен трамплиннен секіру, фристайл-могул және фристайл-акробатика бар.