Қазақстанда Ұлттық кітап күніне орай кітап апталығы басталды

Апталық аясында 1500-ден астам іс-шара өткізу жоспарланған.

Бағдарлама келесі күндерді қамтиды:

16 сәуір – «Артық білім кітапта…»

17 сәуір – «Сөз өнеріндегі өлкетану»

18 сәуір – «Кітапхана түні» акциясы

19-20 сәуір – «Weekend. Book. Vibes»

21 сәуір – «Кітап. Тарих. Шежіре»

22 сәуір – «Кітап – достық амбассадоры»

23 сәуір – Ұлттық кітап күні.

Бүгінгі күн «Артық білім кітапта…» тақырыбымен өтіп жатыр. Бұл күн кітапты оқу мен ағартудың, рухани дамудың қайнар көзі ретіндегі мәнін айқындауға бағытталған. Осы орайда елімізде кітап фестивальдері, ашық есік күндері, жәрмеңкелер, кітап оқу марафондары, сондай-ақ баспалар мен кітап дүкендері бірлесіп түрлі іс-шаралар өткізеді.

- Кітапханаларда келушілер үшін тақырыптық көрмелер, таныстырылымдар мен түрлі бағдарламалар ұйымдастырылып, кітапқа деген қызығушылықты арттыруға және оның қоғамдағы орнын нығайтуға ерекше мән беріледі, - делінген хабарламада.

Айта кетейік, Қазақстанда Кітапханашылар мен Ұлттық кітап күні 23 сәуірде бірге атап өтіледі.