Қазақстанда жаңа туған балаға ең жиі қойылған есімдер анықталды

2025 жылы қазақстандықтардың жаңа туған балаға есім таңдаудағы талғамдары тұрақты болып қалды. Ұлдар мен қыздар арасындағы рейтинг көшбасшылары өткен жылмен салыстырғанда іс жүзінде өзгерген жоқ.

Биыл ұлдар арасында Мұхаммед, Алихан, Айсұлтан, Омар және Алдияр  есімдері ең танымал болды. Былтырғы жылмен салыстырғанда ұлдарға қойылған танымал есімдер тізімі өзгеріссіз қалды. Аймақтық тұрғыдан алғанда, ұлдарға ең жиі қойылған есімдер Мұхаммед пен Алан.

Ал қыздарға көбіне Айлин, Асылым, Медина, Айша және Томирис есімдері берілген. Аймақтарды алып қарасақ, Айлин есімі ең танымал болып шықты, 20 аймақтың 16-да осы есім ең танымал болған. Биылғы қыздар есімдері арасында да алғашқы бестік былтырғы тізіммен бірдей болып шықты.

Айта кетейік, осы жылы орыс ұлтының өкілдері арасында ең танымал есімдер Ева мен Мирон болса, өзбек ұлтының өкілдері арасында Мухаммад пен Хадича есімдері тізім басында тұр.

Белгілі уақыт аралығында аймақ, ұлт, жыныс бойынша танымал болған есімдерді Бюроның «Танымал есімдер» сервисі арқылы білуге болады.

Бүгін, 12:01