Қазақстанда жекешелендіруге жататын 473 нысанның тізімі бекітілді

Ұлттық жекешелендіру Кеңсесінің 10-шы отырысында кеңсе жұмысының қорытындылары шығарылып, 2026 жылға арналған жоспар талқыланды.

Талдау нәтижесінде жекешелендіруге жататын 473 субъектінің тізімі жасалып, Үкіметпен бекітілді. Сонымен қатар кеңсенің ресми сайты – azrk.nop.kz іске қосылды. Онда мемлекеттік меншік объектілерінің ашық тізімі жарияланып, бизнес өкілдері өздерін қызықтырған активтерге өтінім бере алады.

2026 жылы Кеңсе IT, әлеуметтік-кәсіпкерлік корпорациялар, геология, мұнайсервис және құрылыс салаларындағы мемлекеттің қатысуын талдауды жоспарлап отыр. Сондай-ақ мемлекет үлесі 50%-дан төмен 250-ден астам кәсіпорынның қызметі зерделенеді.

Алдағы екі жылда әлеуметтік және стратегиялық объектілерді жекешелендіру бойынша жол карталары әзірленеді.

Ұлттық жекешелендіру офисі 2024 жылғы 28 мамырда Президенттің «Экономиканы ырықтандыру шаралары туралы» Жарлығы негізінде құрылған. Оның құрамына министрліктер мен әкімдіктердің басшылары, Парламент депутаттары, квазимемлекеттік сектор өкілдері және сарапшылар қауымдастығы кіреді.

Бүгін, 14:17