Қазақстандық балуан қыздар Албаниядағы рейтингтік жарыста чемпион атанды

Әйелдер арасында Зейнеп Баянова іріктеу кезеңінде АҚШ пен Жапония, жартылай финалда Үндістан балуанын жеңді. Финалда үндістандық Приянши Праджапатты 13:2 есебімен тізе бүктіріп, турнирде жеңімпаз тұғырынан көрінді.

Ал Лаура Алмағанбетова алдымен Үндістан, Германия спортшыларын қапы қалдырса, ақтық сында украиналық Лиллия Маланчуктен басым түсті.

Айта кетсек, бұған дейін Ризабек Айтмұхан (97 келі), Азамат Дәулетбеков (92 келі), Болат Сақаев (86 келі) үздік үштікті түйіндеді.

Бұған дейін қазақстандық қос балуан Албаниядағы турнирдің финалына шығып, алтын медальға таласатынын жаздық.

25 ақпанда басталған 1 наурызға дейін өтеді. Еліміздің спортшылары бұл додада күрестің барлық түрінен сынға түседі.