Қазақстандық колледжде жасанды интеллект зертханасы ашылады

Кездесу барысында тараптар цифрлық білім беру саласындағы ынтымақтастықты кеңейту, заманауи технологиялар бойынша тәжірибе алмасу және бірлескен жобаларды дамыту бағыттарын талқылады.

— Бұл ынтымақтастықтар аясында академиялық ұтқырлық бағдарламалары іске қосылып, студенттер мен оқытушылардың тәжірибеден өтуі мен алмасу мүмкіндіктері кеңейтіледі. Сонымен қатар бірлескен білім беру және ғылыми жобаларды жүзеге асыру жоспарланып отыр, — дейді Оқу-ағарту министрлігінің Техникалық және кәсіптік білім департаменті басшысының орынбасары Ақзира Қасымова.

Оқытушылардың біліктілігін арттыруға, жасанды интеллект саласындағы құзыреттерді дамытуға және халықаралық білім беру стандарттарын енгізуге ерекше көңіл бөлінеді. Бұл әріптестік Қазақстан мен Қытай арасындағы білім беру байланыстарын нығайтып, екі елдің студенттері үшін жаңа кәсіби және оқу мүмкіндіктерін ашады. 

Айта кетелік Coursera платформасы 200 мыңға жуық қазақстандық студентке сертификат табыстаған.