Қазақстандық мәнерлеп сырғанаушылар Грузиядағы турнирде ондыққа да кірмеді

Тбилисиде (Грузия) мәнерлеп сырғанаудан ірі халықаралық Trialeti Trophy 2025 турнирі аяқталды.

Бұл жарысқа Қазақстан әйелдер құрамасы қатысты. Ел намысын үш спортшы қорғады.

София Фарафонова екі бағдарламаның қорытындысы бойынша 93.33 ұпай жинап, 23-орынға ие болды.

Амина Алексеева 78.24 ұпаймен 24-орынға, ал Русалина Шакрова 61.68 ұпаймен 25-орынға тұрақтады.

Грузия өкілі Анастасия Губанова жарыс жеңімпазы атанды (203.69 ұпай). Күміс жүлдені Израиль спортшысы Мария Сенюк (185.80), ал қола медальді Оңтүстік Кореядан барған Ли Хэ Ин (183.28) иеленді.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport