Қазақстандық параспортшы Давид Дегтярев әлемнің үш дүркін чемпионы атанды

Бұл туралы 14 қазанда Ақмола облысының дене шынықтыру және спорт басқармасы мәлім етті.

Қазақстанның еңбек сіңірген спорт шебері Давид Дегтярев 54 келіге дейінгі салмақ дәрежесінде өнер көрсетіп, 191 келілік штанганы көтерді. Сондай-ақ ол үш әрекеттің жиынтығы бойынша тағы бір алтын медаль иеленіп, Қытай мен Сальвадор спортшыларын басып озды.

Осылайша, Ақмола облысының өкілі Давид Дегтярев пара пауэрлифтингтен әлемнің үш дүркін чемпионы атанды. Оны Қазақстанның еңбек сіңірген жаттықтырушысы Юрий Колесников баптайды.

Пара пауэрлифтингтен әлем чемпионаты — Paralympic Powerlifting күнтізбесіндегі ең маңызды жарыстардың бірі. Бұл додаға әлемнің ең мықты атлеттері қатысады.