Қазақстанның астық экспортынан түскен кірісі 2,2 млрд долларды құрады

АСТАНА, 15 қараша - Sputnik. Ауыл шаруашылығы министрі Айдарбек Сапаров елдің әлемдік ауыл шаруашылығы нарығындағы орны нығайып келе жатқанын мәлімдеді.

Қазақстанның астық экспортының географиясы кеңейді: ел ескі экспорттық бағыттарды қалпына келтіріп, жаңа бағыттарды ашты, бұл негізінен экспорттық субсидиялардың арқасында мүмкін болып отыр.

"Алғашқы сегіз айда Қазақстанның экспорттық кірісі 2,2 миллиард долларды құрады, бұл өткен жылмен салыстырғанда 31%-ға жоғары", - деді министр.

Өңделген өнімдердің жалпы көлемі 3,1 триллион теңгеге жетті, бұл 2024 жылмен салыстырғанда 9%-ға өсті.

"Ұн өндірісі 7%-ға, жарма 10%-ға, өсімдік майы 21,7%-ға, ал астықты терең өңдеу көлемі 1,3 есеге өсті", - деді ведомство басшысы.

Астықты терең өңдеу инвестиция тартудың негізгі саласына айналып отыр. Қазіргі уақытта жалпы құны 2,6 миллиард доллар болатын бес ірі жоба жүзеге асырылып жатыр. Сонымен қатар, 2026 жылға агроөнеркәсіптік кешендегі инвестициялық жобаларды қолдау үшін 400 миллиард теңге жеңілдікпен несие беру жоспарланып отыр.