​Қазақстанның Бас Прокуроры БАӘ не жұмыс сапарымен барды

Қазақстан Республикасының Бас Прокуроры Берік Асылов Біріккен Араб Әмірліктеріне жұмыс сапарымен барып, Әділет министрі Абдулла Сұлтан бин Ауад Әл Нуайми және БАӘ Бас прокуроры Хамад Саиф Әл Шамсимен келіссөздер жүргізді.
Кездесулер барысында тараптар ведомствоаралық өзара іс-қимылды кеңейту және халықаралық қауіпсіздікті нығайту перспективаларын талқылады.
Өз сөзінде қадағалаушы органның басшысы Қазақстан мен БАӘ-нің қазіргі заманғы ұқсас қауіп-қатерлер мен сындарға бірдей ұшырайтынын атап өтіп, қылмысқа қарсы іс-қимыл, заңдылық пен құқықтық тәртіпті қамтамасыз ету мәселелерін бірлесіп шешудің маңыздылығына назар аударды.
Сонымен қатар Қазақстанның Бас Прокуроры қылмыстық-құқықтық саладағы екіжақты ынтымақтастықтың бірқатар аспектілерін, оның ішінде іздеудегі адамдарды экстрадициялау, қылмыстық істер бойынша құқықтық көмек көрсету, сондай-ақ заңсыз шығарылған активтерді қайтару мәселелерін қозғады.
Айта кету керек, биыл БАӘ-ден Қазақстанға пайдакүнемдік-зорлық сипатындағы жалпы қылмыстар жасағаны үшін күдікке ілінген 9 адамэкстрадицияланды.
Сонымен қоса БАӘ Әділет министрлігімемлекеттік органдардың қызметіндегі бюрократияны азайту және азаматтық қоғамға көрсетілетін қызметтердің сапасын арттыруға байланыстыжұмысын Қазақстан делегациясынатаныстырды.
Тараптар өзара іс-қимылды одан әрі тереңдетуге дайын екендіктерін білдіріп, жедел ақпаратпен тұрақты алмасудың және қылмыспен күрестің тиімділігін арттыруға бағытталған бірлескен бастамаларды іске асырудың маңызын атап өтті.
Келіссөздер қорытындысы бойынша тараптар қазіргі ынтымақтастық деңгейін жоғары бағалап, оны кеңейту мен нығайту жөніндегі кейінгі қадамдарды айқындады.

Бүгін, 16:28