Қоныс аудару арқылы өңірлік еңбек нарығы қалай өзгеруде?

2025 жылдың 1 қазанына дейін елімізде ерікті қоныс аудару бағдарламасы аясында 5 213 адам еңбек ресурстары тапшы өңірлерге көшіп келді. 

Олардың қатарында 1 725 қандас және 3 488 қоныс аударушы бар. Барлығына мемлекеттік қолдау шаралары көрсетілді. Жыл соңына дейін тағы 9 653 адамды көшіру жоспарланып отыр.

Қоныс аударған өңірлер:
- Павлодар облысы – 1 886 адам  
- Солтүстік Қазақстан – 1 516 адам  
- Қостанай – 575 адам  
- Шығыс Қазақстан – 490 адам  
- Абай облысы – 305 адам  
- Ақмола – 257 адам  
- Атырау – 103 адам  
- Ұлытау – 43 адам  
- Қарағанды – 38 адам

Қандастардың шыққан елдері:
- Өзбекстан – 612  
- Қытай – 563  
- Моңғолия – 377  
- Ресей – 84  
- Түркменстан – 49  
- Басқа елдер – 49

Жұмысқа орналасу және кәсіпкерлік:
Еңбекке қабілетті 2 307 адамның 1 041-і тұрақты жұмысқа орналасса, 38-і жеке кәсіппен айналысуда. Қоныс аударушылар денсаулық сақтау, білім беру, ауыл шаруашылығы, өнеркәсіп салаларында еңбек етуде.

Маңғыстаудан Қостанайға көшкен Құрмешовтар отбасы жаңа ортаға сәтті бейімделіп, мемлекеттік қолдаудың арқасында өз кәсібін бастады. Қанат Құрмешов – WKF каратэ жаттықтырушысы, ал жұбайы Ләззат Оразмағанбет фитнес-клуб ашып, грант ұтып алған. Биыл Қанат та кондитерлік цех ашуға 1,5 млн теңгеден астам грант иеленді.

«Мемлекеттің қолдауы бізге жаңа өмір бастауға мүмкіндік берді. Барша көмектескен жандарға алғысымыз шексіз», – дейді Қанат Құрмешов.

Мемлекеттік қолдау түрлері:

- 70 АЕК – көшуге арналған бір реттік төлем  
- 15–30 АЕК – 12 ай бойы тұрғын үй мен коммуналдық қызметтерге субсидия  
- Кәсіптік оқытуға жолдама  
- Жұмысқа орналасуға немесе кәсіпкерлікке жәрдем  
- Экономикалық ұтқырлық сертификаты  
- Жұмыс берушілерге – 400 АЕК көлемінде біржолғы субсидия

Бүгін, 13:26