Қостанай облысында кеңседегі қызметін ата кәсіпке айырбастаған шаруа тұрады

«Мал бағу бейнет емес - береке». Сегіз жыл бұрын қаладағы қызметін тастап, ауылға қоныс аударған Аян Айдынәлиев осылай дейді.

Аян Айдынәлиев ұзақ жыл Қостанайда стандарттау және сертификаттау мекемесінде қызмет атқарды. Білдей бір саланың жетекші маманы бәрін тастап, ауылға кетемін дегенде оны көбі бос әурешілікке санаған.

Аян Айдынәлиев, шаруа:

- Жақсы көлігім болды. Барлығын саттым, жиып-тергенім бар еді. Бәрін алып, Ақсуат ауылындағы Спандияр Көбеев атамыздың немересінен үйін сатып алдым. Ол кісі  алғашқы қазақ романисті ғой. білесіздер. Жаңа қора салып, 24 бас сиыр алып, екі жыл сиыр саудым.

Жайлы орнын, үйреншікті өмір дағдысын, шаруасы қым-қуат  ауыл тірлігіне ауыстыру себебін Аян былай деп түсіндіреді. 

Аян Айдынәлиев, шаруа:

- Өмірім бірқалыпты болып кетті. Содан өзім шошыдым. Енді өмірім осылай өте ме, одан да ауылға барғым келеді, атқа мінгім келеді дедім. Аңшылықпен айналысамын деп осындай шешім қабылдадым.

Аян қысы-жазы мал басында. 150-ге жуық жылқысы бар. Жайылым аумағын электрлі сыммен қоршап, сақа биелерді электронды чиппен таңбалап қойған. Цифрлы жүйе арқылы малдың қайда жүргенін қашықтан бақылап отырады. Бала кезінен өнерге жақын Аянның гитарасы жан серігі. Әуезді әнге тіпті жылқылар да елітіп, айналасына топтала қалады екен.

Мал бағу да мәрте. Бүгінде кімнің малы көп, сол дәулетті. Міне, осы түсінікті әр азаматтың санасына сіңіру керек, - дейді ол. Ауыл шаруашылығы басқармасындағылардың есебінше, соңғы жылдары өңірде ата кәсіпке  бетбұрыс байқалады.

Асылан Молдаш, Ауыл шаруашылығы басқармасының бөлім басшысы:

- Мал шараушылығы саласында былтырғы жылы 160-тай болса шаруашылық, биылғы жылы 1700 шаруашылық бар екен. Несие бергенде байқағанымыз жылқы шаруашылығымен айналысқысы келетіндер көп болған.

Ауылға келіп, жұмыс істеуге ниетті жастар аз еместігін Аян да растап отыр. Тек бастапқы кезде олар үй-жайларын, қора-қопсыларын дұрыстауға ақша таппай қиналады. «Осы мақсатқа кемі 5 млн тенге көтермеақы берілсе, құба-құп болар еді», - дейді.   

Авторлары: Мағауия Қалиев. Сергей Трахтенберг