Қостанайға көршілес өңірде Дрон қаупі режимі енгізілді

Бүгін, 15 қазанда Челябі қаласының тұрғындарына төтенше қызметтерден «дрон қаупі режимі» енгізілгені туралы жаппай хабарламалар келген. Бұл ақпаратты Челябі облысының қоғамдық қауіпсіздік министрлігі растады, деп хабарлайды Arasha.kz 74.ru-ге сілтеме жасап.

«Сбермобайл», «Билайн», «Мегафон» және «Теле2» абоненттері төмендегідей хабарлама алған:
«Назар аударыңыз! 15 қазан, сағат 11:00-де облыс аумағында “Дрон қаупі” режимі жарияланды. Төтенше жағдай қызметінің телефоны – 112».

Қоғамдық қауіпсіздік министрлігінің мәліметінше, «сағат 11:00-де Челябі облысы аумағында өңірлік штабтың шешімімен “Дрон қаупі” режимі енгізілді. Ұшқышсыз ұшу аппараттарының (дрондардың) құлау қаупі бар».

Ведомство тұрғындарға дрон құлау қаупі кезінде әрекет ету жөнінде нұсқаулық берді:

Егер сіз ғимарат ішінде болсаңыз — терезелерден алыстаңыз, әйнексіз бөлмеге жасырылыңыз.

Егер далада болсаңыз — ең жақын ғимаратқа, автотұраққа немесе жерасты өткеліне кіріп паналаңыз.

Егер көлікте болсаңыз — көліктен түсіп, ең жақын ғимаратқа немесе қорғалған орынға жасырылыңыз.

Егер дрон құлағанын көрсеңіз — 101 немесе 112 нөміріне қоңырау шалыңыз.