ҚТЖ пойызға қандай заттарды алып кіруге болмайтынын ескертті

АСТАНА, 14 қаңтар – Sputnik. "Жолаушылар тасымалы" АҚ пойыздарда тасымалдауға тыйым салынған заттар жайында еске салды. Себебі ондай заттарды алып кіргені үшін қылмыстық жауапкершілік қарастырылған, деп хабарлайды Sputnik Қазақстан.

Бүгінде вокзалдарда міндетті түрде тексерістен өту керек. Ол үшін рентген-телевизиялық қондырғылар, стационарлық және металл детекторлары, сондай-ақ, портативті анықтау құрылғылары бар. Ал бейнебақылау, дабыл беру және күзет жүйелері үздіксіз жұмыс істейді.

Пойызға алып кіруге болмайтын заттар:

Жарылғыш заттар мен құрылғылар, сондай-ақ пиротехникалық бұйымдар: салюттер, фейерверктер және жарылыс қаупі бар өзге де заттар;

Радиоактивті, есірткілік және психотроптық заттар, сондай-ақ тез тұтанатын сұйықтықтар мен химиялық қоспалар: мысалы, бензин, метил эфирі, метанол және сол сияқты қауіпті заттар;

Тұтанғыш қатты заттар. Улы, күшті әсер ететін және уландырғыш заттар (сұйық немесе қатты күйде);

Инфекциялық немесе биологиялық тұрғыдан қауіпті материалдар: жұқпалы ауру тудыруы мүмкін заттар мен оларды қамтитын бұйымдар;

Барлық түрдегі қару-жарақ: атыс қаруы, лақтырмалы, электрлі, механикалық, газды және травматикалық қару, сондай-ақ, суық қару: пышақтар, қанжарлар, штык, қылыш, палаш, ятаган, тесаки, кастет, кистень, стилет, шашка, семсер және соққы-дробящий әсері бар өзге де заттар;

Оқ-дәрілер мен патрондар: соғысқа арналған, жарық-дыбыстық, холостық, травматикалық әсері бар, аңшылыққа арналған жабдықталған патрондар және басқа да атуға жарамды снарядтар.

Қазіргі кезде пойыздардың ішіндегі бейнебақылау жүйесі де кезең-кезеңімен енгізіліп жатыр. Мәселен, Тальго пойыздарының 630 вагонында 1 350 бейнекамера орнатылған. Сонымен қатар 19 бағытта жүретін 46 мейрамхана және бар-вагонда қосымша 92 камера іске қосылды.

"Барлық бейнематериалдар арнайы орталыққа тікелей түсіп, онда мамандар әрбір төтенше немесе стандарттан тыс жағдайды жедел талдап, тиісті шешімдер қабылдайды", - дейді мамандар.

Компания жолаушыларды бекітілген ережелерді сақтауға және қауіпсіз сапарды қамтамасыз етуге бағытталған шараларға түсіністікпен қарауға шақырады.